QR Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti oblys kólemindegi joǵary, tehnıkalyq jáne kásiptik bilim berý mekemeleriniń stýdenttik jataqhanalaryna ornalastyrý rásiminiń ashyqtyǵyn qamtamasyz etý, sondaı-aq ol jerde bógde adamdardyń turýyn boldyrmaý sharalary boıynsha Arnaıy monıtorıńtik top músheleriniń, buqaralyq aqparat quraldary  men «Jas Otan» jastar qanaty ókilderiniń qatysýymen stýdenttik jataqhanalarǵa monıtorıń júrgizildi.

Jalpy oblys kóleminde 7 stýdentter jataqhanasy ornalasqan, onyń úsheýi joǵary oqý ornyna, úsheýi arnaıy orta bilim beretin oqý oryndaryna jáne bireýi jeke kásipkerge tıesili.

Monıtorıń barysynda anyqtalǵany, H.Ózbekǵalıev atyndaǵy Mańǵystaý polıtehnıkalyq kolejiniń №5 stýdentter jataqhanasyn Mańǵystaý oblysy ákiminiń orynbasary R.K. Sákeevtiń 24.04.2019 jylǵy hattamasy (hattama nómiri kórsetilmegen) negizinde stýdentterdi basqa jataqhanaǵa ornalastyryp,  kúrdeli jóndeý jumystaryn júrgizý úshin japqan.

Alaıda, stýdentter jataqhanasyn kúrdeli jóndeýden ótkizý smetalyq-jobalyq qujattamalaryn daıyndaý, qarajat qarastyrý máseleleri búgingi kúnge deıin sheshimin tappaı, jınalys hattamasynyń tarmaqtary oryndaýsyz, qaǵaz júzinde ǵana qalyp otyrǵandyǵy belgili boldy.

Búgingi kúnde atalǵan kolej stýdentteri jáne Aqtaý qalasyndaǵy kolejderdiń 168 stýdenti «Gýseınov» jeke kásipkerdiń ıeligindegi jataqhanaǵa 3 ese artyq tólemmen qarajat tólep jatýda (8000 teńge).

Sh.Esenov atyndaǵy Kaspıı memlekettik tehnologıalar jáne ınjınırıń ýnıversıtetiniń №1, №2, №3 stýdentter jataqhanasyn baqylaý barysynda №2 jataqhanada 1 adamǵa 6 sharshy metr kólem tıesili bolsa, munda stýdentter turyp jatqan 112 bólmeniń 66-da bul talap saqtalmaı otyr. Iaǵnı, kólemi 14 sharshy metr bólmede 3 adamnan turyp jatqany anyqtaldy jáne №3 jataqhanada barlyq standarttar saqtalǵanymen, ýnıversıtet tarapynan uıymdastyrylǵan asqanada kasalyq apparattar joq. Aıta ketý kerek, eseptegish quraldardyń, kasalyq  apparattadyń bolmaýy sybaılas jemqorlyq táýekelderiniń kórinisi bolyp tabylady.

Sonymen qatar, Qaraqıa aýdanynda ornalasqan Qaraqıa kásiptik kolejine qarasty stýdentter jataqhanasynda standarttardyń tolyqtaı saqtalǵandyǵy jáne stýdent memleket esebinen tegin turatyny, barlyq jaǵdaılary jasalǵany belgili boldy.

Júrgizilgen monıtorıń barysynda anyqtalǵan kemshilikter boıynsha usynystar joldandy, tıisti sharalar qoldanylatyn bolady.