"Adaldyq alańy" jobasy aıasynda áleýmettik nysandar men ınfraqurylym búdjetin paıdalaný tıimdiligin baǵalaý maqsatynda "Parlamentarızmdi damytý qory" QQ bastamasymen jáne Nıderlandy elshiliginiń qarjylyq qoldaýymen "Ashyq búdjettiń ınteraktıvti kartasy" (publicbudget.kz) engizilgen.

        Karta naqty ýaqyt rejıminde qalalyq obektilerdiń qurylysy, jóndeý jáne kútip ustaý úshin bólingen búdjet qarajaty týraly egjeı-tegjeıli málimetti kórsetedi. Kez kelgen azamat táýligine 24 saǵat boıy anyqtalǵan buzýshylyq týraly habarlaı alady.

Sondaı-aq joba aıasynda halyqtyq qatysý búdjetin kezeń-kezeńmen engizý sheńberinde "Bastamashy búdjet" modýlin qurý pysyqtalýda.

Jobanyń aıasynda sybaılas jemqorlyqqa qarsy qyzmet organdarynyń úılestirýimen qoǵamda parasattylyq mádenıetin údemeli qalyptastyrý maqsatynda elimizde kún saıyn sybaılas jemqorlyqqa qarsy baǵdarlanýdyń, shamamen ártúrli formattaǵy shamamen 500-ge jýyq is-sharasy ótkizilýde (elimizdiń ár aýdanynda keminde úsheý). Osylaısha, eń qashyq aýyldar men kentterdi qosa alǵanda, respýblıkanyń barlyq eldi mekenderiniń turǵyndary sybaılas jemqorlyqqa qarsy nasıhatpen qamtylǵan.

Joba búgingi kúni memleket pen qoǵam arasyndaǵy ózgeshe «dánekerge» aınaldy, osynyń nátıjesinde qoǵamdastyq ókilderi sybaılas jemqorlyqqa qarsy júrgizilip jatqan saıasat turǵysynan pikirin aıtyp qana qoımaı, sonymen qatar ony iske asyrýǵa tikeleı qatysa alady.

Azamattardyń 7 myńnan astam ótinishi (aǵymdaǵy jyldyń ekinshi toqsanyndaǵy) olardyń «Adaldyq alańy» jobalyq keńselerine degen senimin kórsetedi, olardyń úshten biri ózderiniń buzylǵan quqyqtaryn tolyqtaı qalpyna keltirdi jáne problemalyq suraqtaryn sheshken.