Bilim jáne ǵylym mınıstrliginiń jaýapty hatshysy aýysty dep habarlaıdy Qamshy.kz aqparat agenttigi. Prezıdent Aryn Órsarıevti qyzmetinen bosatty, ókim Aqorda saıtynda jarıalandy.

Bilim jáne ǵylym mınıstrliginiń jaýapty hatshysy qyzmetine Qanat Sársembaev taǵaıyndaldy. Ol buǵan deıin Soltústik Qazaqstan oblysy ákimi apparatynyń jetekshisi bolyp istedi. Ál-Farabı atyndaǵy Qazaq ulttyq ýnıversıtetinde "halyqaralyq quqyq" mamandyǵy boıynsha bilim alǵan.

Eske salsaq, mınıstrlik qyzmetkeri Anar Qaıyrbekova Oryn Órsarıev pen basqa da áriptesteri qujattarǵa qol qoıý kezinde oǵan qysym jasaǵanyn málimdedi. Aıtýynsha, serverlerdi kóshirýge 48 mıllıon teńge bólingen, biraq qyzmet kórsetýshi bul jumysty oryndamaǵan.

Al Órsarıevtiń málimdeýinshe, ótken jyldyń jeltoqsanynda serverlik qondyrǵylardy kóshirý jáne tehnıkalyq qyzmet kórsetý boıynsha memlekettik satyp alý ótkizilgen. Tıisti qujattar bar, den sendirdi ol.

Mınıstrlik qyzmetkerler arasyndaǵy daýdyń sońǵy 4-5 aıǵa sozylyp ketkenin habarlady.

Osy aptada májilis tóraǵasy Nurlan Nyǵmatýlın áli kúnge deıin jas mamandarǵa arnalǵan baǵdarlamanyń jumys istemeı turǵanyn aıtyp, mınıstrlik sheneýnikterin synǵa alǵan edi.

Órsarıevtiń ne sebepti qyzmetinen ketkeni aıtylǵan joq.