Eńbekke jaramsyz bolyp qalǵan, asyraýshysynan nemese jumysynan aırylyp qalǵan jaǵdaıda beriletin járdemaqylar kóbeıedi. Bul tólemder jańa esepteý mehanızmderin qoldaný arqysy iske aspaq. Mysaly, eńbekke jaramsyz bolyp qalǵan jaǵdaıdy, ol adamnyń jaǵdaıy jeke  qarastyrylady. Al asyraýshysyz qalǵan otbasynyń adam sany eskeriledi. Sonymen qatar, jumysynan aırylǵany úshin beriletin áleýmettik tólemderdiń uzaqtyǵyn eńbek ótiline baılanysty alty aıǵa deıin tóleý josparlanǵan. Qazir zań jobasy parlament májilisiniń qaraýynda jatyr.

"Barlyq úsh tólem de orta esep boıynsha 30% -ǵa ósedi dep josparlanyp jatyr. Ózgerister 2020 jyly kúshine enedi. Sonymen qatar, 1 qańtardaǵy jaǵdaı boıynsha, eńbekke jaramdylyqtan jáne asyraýshysynan aıyrylý boıynsha tólem alýshylardyń barlyǵyna bir rettik qaıta esepteý júrgiziledi", - dep túsindirdi memlekettik áleýmettik saqtandyrý qorynyń basqarýshy dırektory Marat Jánibekov.