Polshalyq boksshy Kamıl Sheremetanyń (21-0, 5 KO) promoýteri Andjeı Vasılevskı Eýropa chempıony qazaqstandyq Gennadıı Golovkınmen (40-1-1, 35 KO) judyryqtasýǵa daıyn ekenin aıtady dep habarlaıdy Qamshy.kz aqparat agenttigi Vesti.kz. saıtyna silteme jasap.
"Biz daıynbyz. Kamıl Sheremeta - armany bıik boksshy. GGG sıaqty ańyz boksshymen judyryqtasýdy qalaıdy. Bul - onyń maqsaty", - deıdi Vasılevskıı The Ring jýrnalyna bergen suhbatynda.
Promoýterdiń sózinshe, Sheremeta men Golovkın jekpe-jegi 8 nemese 29 aqpanda ótedi. Al kezdesý orny retinde Chıkagodaǵy Wintrust Arena tańdaldy. Sheremetanyń ózi chempıondyq ataq úshin kópten beri judyryqtasqysy keletinin málimdedi.
"Eýropa chempıony bolý men úshin abyroı, biraq, ómir jalǵasýda, sondyqtan men odan úlkenin qalaımyn. Álem chempıony tıtýly úshin judyryqtasqym keledi.
"Madison Square Garden arenasynda óner kórsetip, Gennadııdiń Big drama shoýynyń bóligi bolý úlken tájirıbe berdi. Jas kezimde osy arenadaǵy Andjeı Golotanyń Rıddık Boýmen, Djon Rýıs jáne Krıs Berdpen jekpe-jekterin tamashalaıtynmyn. Ol jerde judyryqtasý oryndalǵan arman boldy.
