Semeıde fızıka-matematıka baǵytyndaǵy Nazarbaev Zıatkerlik mektebiniń ınformatıka páni muǵalimi Baqytbek Orynbaev pen oqýshylar Mıras Muratqanov, Nurbol Maqtaev dombyrada oınaı alatyn robot qurastyrdy – dep Qamshy.kz aqparat agenttigi habarlaıdy, mekteptiń baspasóz qyzmetine silteme jasap.

Ónertapqyshtar bul eńbekterin Abaıdyń 175 jyldyǵyna arnady.

"Ár oqý jyly bastalarda aldymyzǵa maqsat qoıamyn. Ortaq oıymyz jańa bir týyndyny jasap, qurastyrý arqyly mektep oqýshylaryn shyǵarmashylyqqa elitý, olardyń qyzyǵýshylyǵyn arttyrý. Robotqa dombyramen kúı tarttyrý ıdeıasy biraz ýaqyt oıda júrdi. Sáti osy ýaqytta túsip otyrǵan jobany júzege asyrýǵa tolyq 1 aı ýaqyt jumsadyq. Aldymen robotty qurastyryp, sodan-soń olardyń perneni basýshy, ishekti qaǵýshy sıaqty árbir bólikterin jeke-jeke jasadyq", – deıdi Zıatkerlik mektep muǵalimi, joba jetekshisi Baqytbek Nurlybekuly.

Robotty qurastyrýshylardyń sózinshe, buǵan deıin uqsaı robattar qurastyrǵan. Biraq, ol bir kúıdi oryndaýmen ǵana shektelgen. Al, jańa qurylǵy dombyradaǵy barlyq perneni erkin basyp, ishekti qalaýynsha qaǵa alý artyqshylyǵyna ıe.

Sondaı-aq kúıdi oryndaýda qatelikter bolsa, onda proporsıonaldy dıfferensıaldaýshy rettegish arqyly ózi eseptep, rettep otyrady.

Robot dombyrada kúıdi kompúterge engizilgen notalar arqyly oryndaıdy. Qurastyrýshylar kúıdiń oryndalý jyldamdyǵyn da qalaýynsha ózgertýlerine qol jetkizgen.  

Qazirgi tańda joba A.Qunanbaıulynyń "Torjorǵa", halyq kúıi "Qara jorǵa" men halyq áni "Erkem-aı" -dy oryndaı alady.

Ustaz ben shákirtter óz týyndylarynyń kez kelgen shyǵarmany nota arqyly oryndaýǵa bolatynyn málim etti.