Óńirdegi memlekettik jastar saıasaty salasynyń damýyna úles qosyp, santúrli salanyń tizginin ustaǵan jastardy yntalandyrý maqsatynda ótken saltanatty jıynǵa Qazaqstan Respýblıkasy Premer-Mınıstriniń orynbasary Berdibek Mashbekuly Saparbaev qatysty. 
Saltanatty shara barysynda Qazaqstan Respýblıkasy Premer-Mınıstriniń orynbasary Berdibek Saparbaev jastarǵa arnalǵan memlekettik baǵdarlamalardyń tıimdiligin sóz ete otyryp, Mańǵystaýlyq jastarǵa ystyq yqylasyn jetkizdi. Úzdik jastarǵa dástúrli «Jas tulpar-2019» Mańǵystaý oblystyq jastar premıasyn tabys etti.
«Mańǵystaý maqtanyshy» arnaıy nomınasıasymen qazaq estradasynyń jas ánshisi, «Qazaqstan daýysy» jobasynyń jeńimpazy B.Retbaev, kompozıtor A.Qurmanov, dástúrli ánshi N.Asqanov, aqyn T.Álı sonymen qatar «Boranqul» jaıdarman toby jáne «Ózenmunaıgaz» quramasy marapattaldy. 
«Jomart júrek» nomınasıasynaqaterli isik aýrýyna shaldyqqan balalarǵa arnalǵan qaıyrymdylyq sharalaryn uıymdastyrýshy Erlan Erýbaev, «Beıbit kezeń batyry»nomınasıasyna Aqtaý qalasynda 10 qabattan sekirmekshi bolǵan áıel adamdy, sonymen qosa Kaspıı teńizine batyp bara jatqan jasqyzdy qutqaryp, jaqyndarymen qaıta qaýyshýyna úles qosqanTımýr Jumalıev laıyq dep tanyldy. 
«Jas tulpar-2019» Mańǵystaý oblystyq jastar premıasynyń konkýrstyq komısıasynyń sheshimimen:
«Úzdik jas sportshy» nomınasıasy – Jubatqan Nursultan Manarbekuly;
«Munaı salasynyń úzdik jas mamany» nomınasıasy -Eshanov Erbolat Myrzageldiuly;
«Úzdik jas jýrnalıs» nomınasıasy - Mereke Úsembaıuly Mýsaev;
«Úzdik volonter» nomınasıasy -Taıjanov Nurlyǵasyr Janabaıuly;
«Jas aqyn» nomınasıasy – Dúısenov Edilbek Medetuly;
«Jas daryn» nomınasıasy – Masjanov Serijan Serikuly;
«Jas ónertapqysh» nomınasıasy - Qýanova Aınur Aısaqyzy;
«Jas kóshbasshy» nomınasıasy – Qurmanǵalıev Ǵanı Dáýletkereıuly
Esterińizge sala keteıik, óńirde «Jas tulpar» Mańǵystaý oblystyq jastar premıasyn tabystaý sharasy 2010 jyldan beri dástúrli túrde uıymdastyrylyp keledi. 
