Kım Chen Ynnyń jerlengeni týraly jerseriktik sýret  jarıalandy. Bul týraly Qamshy tilshisi France24news-ge silteme jasap habarlaıdy.

France24news aqparatynsha, Soltústik Koreıa aspanynan túsirilgen jerseriktik sýret jarıalanǵan. Jerserigi túsirgen sýrette Kım Chen Yndy jerleý sherýi bolyp jatqanǵa uqsaıdy, sebebi, sýretterdegi sharalar 2011 jyly onyń ákesi Kım Chen Ir qaıtys bolǵan kezdegideı kóriniske uqsas.

Jerseriktik sýretter boıynsha, Soltústik Koreıa jetekshisi Kım Chen Yn kóz jumǵannan keıin úlken parad qurylymdaryn turǵyzyp jatqany  boljanýda.

 Planeta zerthanalary jarıalaǵan sýretterde  áskerı sherýlerge jıi qoldanylatyn ýaqytsha ǵımarattar beınelengen. Olar astana Phenánda 18 sáýirden keıin ornatylǵan.

Aıta keteıik, Kım Chen Yn 11 sáýirden beri kópshilik aldynda kórinbeı ketti. Buǵan deıin Soltústik Koreıa lıderiniń júrek otasynan kóz jumǵany jaıynda aqparat paıda bolyp,  tipti, onyń áınek tabytta jatqan fotosy jarıalandy. Alaıda tabyttaǵy adamnyń Kım Chen Yn ekeni nemese fotonyń túpnusqalyǵy rastalmady. Kerisinshe, Kım Chen Ynnyń 27 sáýirde Ońtústik Afrıka prezıdentine jazǵan quttyqtaý haty jarıalandy. Sondaı-aq Phenánnyń soǵys jattyǵýlaryn kúsheıtip jatqany habarlandy. Eki kún buryn onyń otbasylyq poıyzynyń spýtnıktik sýreti jarıalanyp, onyń tiri ekeni týraly Ońtústik Koreıa prezıdentiniń keńesshisi suqbat berdi. Soltústik Koreıa basylymdary Kım Chen Ynnyń qurylysshy jumyskerlerge alǵys hat joldaǵanyn jazdy. Al, úsh kún buryn Qytaı medısınalyq tobynyń Soltústik Koreıa astanasy Phenánǵa jiberilgenin habarlaǵanbyz. Sonymen birge, Kım Chen Ynnyń ómirine úlken qaýip tónip turǵanyn, onyń ornyna qaryndasynyń kelýi múmkin ekenin jáne Soltústik Koreıa basshysynyń ólimi ıadrolyq soǵys qaýpin týdyratynyn jazǵanbyz.