Tesla kompanıasynyń bas atqarýshy dırektory Ilon Mask tvıtterde bir post jarıalap, 15 mıllıard dollar joǵaltty. Bul týraly Qamshy tilshisi Market Watch-qa silteme jasap habarlaıdy.

Ilon Mask tvıtter paraqshasynda "Tesla aksıasynyń baǵasy óte joǵary" dep jazǵan soń, kompanıa aksıasynda quldyraý boldy.

Tesla aksıalary Ilon Masktyń tvıtter jazbasynan keıin 10% tómendep, juma kúni 701,32 dollar deńgeıine tústi. Oǵan deıin aksıalar sesıasynda 772,77 dollar mólsherinde satylǵan.

Tesla beısenbiden bastap shamamen 15 mıllıard dollar joǵaltyp, naryqty  130 mıllıard dollar tóńireginde aıaqtady.

Ilon Mask az ýaqyttyń ishinde tvıtterde qosymsha birneshe jazba jarıalap úlgergen. Bir jazbasynda óziniń jeke múlkin satýǵa ant berse, taǵy bir jazbasynda qalyńdyǵynyń oǵan ashýlanǵanyn jazǵan. Al, endi bir postynda "Ashýlaný, ashýlaný – sana nurynyń ólýine qarsy" dep jazǵan.

Ilon Mask 2018 jyly da Tesla-nyń Nú-Iork qor naryǵyndaǵy bolashaǵy týraly tvıtterinde jazba jarıalap, retteýshilerge 20 mıllıon dollar aıyppul tólegen. Oǵan qosa, jazbalaryn jarıalaýdan buryn zańgerleri aldyn-ala qaraıtyn bolyp kelisken bolatyn.