Mańǵaz Mańǵystaý óńiri Qazaqstandaǵy úzdik 10 týrısik aımaqtyń biri. Jyl ótken saıyn Kaspıı teńiziniń jaǵasy týrıser demalatyn orynǵa aınalyp, kelýshilerdiń sany artqan. Teńizden bólek Qazaqstannyń jeti keremetiniń biri -  Beket ata jerasty meshiti jáne basqa da  kıeli oryndar dál osy Mańǵystaý jerinde. 

Bıyl el kóleminde sáýletshi, aǵartýshy Beket ata Myrzaǵululynyń 270 jyldyǵy. Jyl saıyn Atanyń basyna zıarat etip keletin ishki jáne syrtqy týrıserdiń sany artqan. Mekere qarsańynda Beket ata meshiti men oǵan aparatyn jol boıy jáne  Shopan ata meshitteriniń aýmaǵy abattandyrylyp, kóne jádigerler qaıta qalpyna keltirý jumystary júrgizilýde. 12 shaqyrym qashyqta jer astynan shyǵatyn tabıǵı sýǵa qubyr tartyp, meshitke deıin ákelindi. 2017 jyly «Ata joly» avtomobıl jolyn rekonstrýksıalaý jumystary bastalǵan bolatyn. Joba eki kezeńmen júrdi. Alǵashqy bóliginde  5 mlrd 460 mln.tengege  51 shaqyrym jol jóndelse,  ekinshi kezeńinde 4 mlrd 554 mln.tengege  46 shaqyrym jolǵa rekonstrýksıa jasalyp, asfált tóseldi. Endigi kezekte Oblys ákiminiń tapsyrmasymen Beket ata meshitine gaz jelisin tartý máselesi qolǵa alyndy. Demeýshilerdiń kómegimen aldaǵy ýaqytta bul joba da iske asady dep kútilýde.

Serikbaı Trumov - Mańǵystaý oblysynyń ákimi  

Ózimizdiń áriptesterimizben birge, el aǵalarymen, Ózenmunaıgaz mekemesimen birge atanyń basynda taǵy qandaı jumystardy uıymdastyratynymyzdy aqyldastyq. Qazirgi kezde másele bolyp turǵan atanyń basyna gaz ákelý. Sosyn kelgen sýdy tushshytyp, halyqtyń ıgiligine jaratý. Ony da aqyldastyq. Demeýshilerdiń kómegimen aldaǵy ýaqytta uıymdastyramyz dep josparlap otyrmyz. Sondaı-aq, Shopan atanyń basyna da sý tartý, kógaldandyrýdy josparlap otyrmyz.