Búgin, 21 mamyr – Mádenıet jáne óner qyzmetkerleriniń kúni. Ataýly merekege oraı Qamshy.kz aqparat agenttigi akter, ánshi Tuńǵyshbaı Jamanqulovtyń "Óner adamy" ánin oqyrman nazaryna usynady. 

Tuńǵyshbaı Jamanqulovtyń oryndaýynda "Óner adamy" áni. 

Sózi: Esenqul Jaqypbektiki, Áni: Qadyrǵalı Kóbentaıdiki.

Bizder, bizder patshadan da pańdarmyz,
Bizder, bizder bireýlerge armanbyz. 
Bardy bar dep, joqty joq dep jasyrmaı, 
Baqytynan qashyp júrgen jandarmyz. 

Bireýlerdiń oǵy joq bop atarǵa, 
Bizder júrmiz qaterli bir saparda. 
Jyrtyǵyńdy jamap berip jatsa da, 
Eshkim bizdi qosa almaıdy qatarǵa. 

Aldymyzda jalt-jult etip ot shyraq, 
Áne-mine baq qonardaı bop turady. 
Jalpy maqtap jany qalmaı jatsa da, 
Eshkim bizdi shyn túsingen joq, biraq.

Janymyzǵa bermeı eshbir tynyshtyq, 
Kópshilikpen kóp júrýge tyrystyq. 
Bar ekenin mahabbattyń, shyndyqtyń, 
Barsha adamǵa sendirýge tyrystyq. 

Bizge ǵashyq uıatty qyz shybyq bel, 
Bizge ǵashyq jany jaısań jigitter. 
Biz júrgen jer úlbiregen úmitter, 
Biz júrgen jer aq nıetti búlikter.