Qasıetti ramazan – meıirim men bereket aıy. Osy aıda jasaǵan árbir izgi amalǵa eselenip ájir-saýap jazylady. Ramazan aıynyń aıaq basýymen qaıyrymdylyq is-sharalary Almaty qalasy meshitterinde de óz jalǵasyn tabýda, dep jazady muftyat.kz.

Megapolıste qaıyrymdylyq sharalary úzilissiz jalǵasyp jatyr. Igi bastamanyń qanat qaǵýyna shahardyń aýdandaryndaǵy meshitter de aıryqsha úles qosýda.

Máselen, Bostandyq aýdandyq «Baıken» meshitiniń bas ımamy Danıar Jumabaevtyń uıytqy bolýymen álemdi jaılaǵan pandemıaǵa baılanysty eldegi tótenshe jaǵdaı jarıalanýyna oraı qasıetti Ramazan aıynda aýyzashar ornyna 350 otbasyǵa azyq-túlik úlestirildi.

Igilikti shara «Baıken» meshitinde uıymdastyrylyp, Ramazan syılyǵy retinde kópbalaly otbasylar men múmkindigi shekteýli jandarǵa taratyldy.