Almaty qalasy meshitteriniń uıymdastyrýymen Túrkistan oblysy Maqtaaral aýdanynda sý tasqynynan zardap shekken azamattarǵa kómek kórsetý maqsatynda Almaty Ortalyq meshitinen «Maqtaaralǵa kómek» atty qaıyrymdylyq kerýeni jolǵa shyqty, dep habarlaıdy Almaty Ortalyq meshitiniń baspasóz qyzmeti.

Maqtaaral aýdanyndaǵy birneshe aýyldardy sý basýyna baılanysty QMDB-nyń tóraǵasy, Bas múftı Naýryzbaı qajy Taǵanuly hazrettiń bastamasymen Almaty qalasy ókildigi «Maqtaaralǵa kómek» atty qaıyrymdylyq sharasyn uıymdastyrdy.   

Qaıyrymdylyq kerýenine buzylmaıtyn azyq-túlik, turmysqa qajetti kıim-keshek, kórpe-tósek, gıgıenalyq zattar qabyldandy. Aýyr júk kóligine tıelgen zattar 16 tonnaǵa jýyq. 

Qaıyrymdylyq sharasyna aqparattyq qoldaý birdirýge kelgen BAQ tilshilerine Almaty qalasynyń bas ımamy Erkinbek Shoqaı suhbat berdi. Bas ımam maqtaaraldyq aǵaıynǵa Almaty jurtshylyǵy atynan sálem joldap, Alladan elimizge amandyq, jeńildik pen sabyr tiledi. 

Sonymen qatar, bas ımam «Maqtaaralǵa kómek» qaıyrymdylyq sharasyna úles qosqan qoly ashyq azamattarǵa, kásipkerlerge, ımamdarǵa jáne meshit jamaǵattaryna úlken alǵys bildirdi.

Almaty Ortalyq meshitiniń baspasóz qyzmeti