Tokıodaǵy Olımpıada kúshin joıýyna baılanysty 4 mıllıard teńgeden astam qarajat respýblıkalyq búdjetke qaıtaryldy, dedi QR Mádenıet jáne sport mınıstri Aqtoty Raımqulova.

"Búgingi kúni bizdiń sportshylar jattyǵýlaryn qaıta bastady, biraq Olımpıada 2021 jylǵa qaldyrylǵandyqtan, edáýir soma - 4,3 mlrd. teńge únemdelip, ońtaılandyrylyp, respýblıkalyq búdjetke qaıtaryldy", - dedi Raımqulova juma kúni halyqpen eseptik kezdesýde.

Ol álemdegi koronavırýstyq pandemıaǵa baılanysty iri sporttyq is-sharalardyń kesteleri, sonymen qatar sportshylardyń iri jarystarǵa daıyndalýy ózgergenin eske saldy.

Tokıoda jazǵy Olımpıada oıyndaryn ótkizý týraly sońǵy sheshim 2021 jyldyń kókteminde qabyldanady dep josparlanǵan jáne bul álemde koronavırýstyq ınfeksıanyń taralýyna baılanysty bolady.

Esterińizge sala keteıik, Tokıodaǵy Olımpıada 2020 jyldyń 24 shildesi men 9 tamyzy aralyǵynda ótkizilýi kerek edi, biraq koronavırýstyq pandemıaǵa baılanysty jarystar bir jylǵa shegerildi.

Olımpıada 2021 jyly 23 shilde men 8 tamyz aralyǵynda ótedi dep josparlanýda.