Qazaqstan dárihanalarynda bir jylda eń kóp qymbattaǵany – antıseptıkter, baǵasy 17 paıyzǵa ósken. Sonymen birge ystyq túsiretin dáriler 8,5 paıyzǵa qymbattaǵan, dep habarlandy energyprom.kz zertteýinde.

Jalpy farmasevtıkalyq preparattardyń baǵasy bir jylda 7 paıyzǵa artqan.

"2020 jyldyń qańtar-sáýir aılarynda Qazaqstannyń farmasevtıkalyq kompanıalary 41,9 mlrd teńgeniń negizgi farmasevtıkalyq ónimderin shyǵardy. Bul – bir jyl burynǵy uqsas kezeńmen salystyrǵanda 33,9 paıyzǵa kóp. Inflásıany esepke alǵanda shynaıy ósim 24,2 paıyzǵa teńesken. Sektordaǵy óndiristiń tórtten úsh bóligi (75,7%) úsh aımaqta, atap aıtqanda, Almaty oblysynda (11,6 mlrd tg, bir jyl ishinde +3,1%), Shymkent qalasynda (11,4 mlrd tg, bir jyl ishinde +6,5%), Almaty qalasynda (8,8 mlrd tg, bir jyl ishinde +39,3%) shoǵyrlanǵan" delingen zertteýde.

Jalpy dári-dármek óndirisiniń kólemi 37,9 mlrd teńgege jetken. Shynaıy ósim – ótken jylǵa qaraǵanda 50,4%-ǵa kóp. Óndiristiń aýqymdy bóligi Shymkent qalasyna (11,4 mlrd tg) tıesili.

"2020 jyldyń mamyrynda farmasevtıkalyq preparattar 6,9 paıyzǵa (ótken jyldyń mamyrymen salystyrǵanda) qymbattady. Aımaqtardyń ishinde baǵalardyń ósýi Pavlodar oblysynda (bir jylda 9,4%), Aqmola oblysy (bir jylda 9,3%) men Shymkent qalasynda (bir jylda 9,2%) baıqalady. Preparattardyń ishinde aıtarlyqtaı baǵa ósimi antıseptıkter (16,9%), ystyq túsiretin dáriler (8,5%), búırekti jazýǵa arnalǵan dáriler (7,4%) men antıbıotıkter (7,3%) boıynsha tirkeldi" delingen energyprom.kz zertteýinde.

Derekkóz: inform.kz