Búginde Mańǵystaýda medısına qyzmetkerleriniń jumys kólemi eki esege artqan. Dárigerler naýqastardyń ómiri úshin kún-tún demeı aıanbaı kúresýde. Alaıda, syrqattanýshylardyń kóbeıýine baılanysty óńirde mamandarynyń jetispeýshiligi baıqaldy. Reanımatologtar, ınfeksıonıstter, terapevter jáne jalpy praktıka dárigerleri tapshy. Oblys ákimi Serikbaı Trumovtyń tikeleı aralasýymen atalǵan mamandardy oblysqa aldyrý boıynsha jumystar bastalyp ketti. Búgin tańda reseılik 9 dáriger mingen ushaq Aqtaý áýejaıyna qondy. Barlyǵy da bilikti medısına qyzmetkerleri.
1.Dvornısyna Karına Konstantınovna, ınfeksıonıst dáriger, koronavırýs indetimen kúresýshi toptyń basshysy bolǵan, tájirıbesi bar.
2.Oganısán Artýr Aleksandrovıch, densaýly saqtaý salasyn uıymdastyrshy dáriger, koronavırýs indetimen kúresýshi toptyń basshysy bolǵan, tájirıbesi bar.
3.Shengıreev Igor Konstantınovıch, nevrolog, antıkoagýlánttar jáne t.b. dári-dármek mólsherin anyqtaýmen aınalysýshy maman.
4.Zaharova Dará Konstantınovna, pedıatr, kardıolog, koronavırýs indetimen kúresýde tájirıbesi bar.
5.Iamaltdınov Azat Afkanovıch, pýlmonolog, rentgenolog, ftızıatr dáriger.
6.Kochergına Valentına Vladımırovna, reanımatolog, koronavırýs indetimen kúresýde tájirıbesi bar.
7.Fedorenko Inna Nıkolaevna, terapevt, kardıolog, koronavırýs indetimen kúresýde tájirıbesi bar dáriger.
8.Zaharov Lev Vladımırovıch, kovıd juqtyrǵan naýqastardy bosandyryp alýda tájirıbesi bar akýsher.
9. Sýkovatısına Olga Stanıslavovna, feldsher, kovıd juqtyrǵan naýqastardy emdeýde tájirıbesi bar dáriger.
Máskeýden kelgen medısına qyzmetkerleri aýrýhanalarǵa bólinip, jumystaryna kirisip ketti.
Aıta keteıik, atalǵan dárigerler oblys ákimdigi usynǵan charterlik reıspen ushyp keldi. Bul iske "MańǵystaýMunaıGaz" kompanıasy demeýshilik jasady.