Belgili teatr jáne kıno aktery Ádil Ahmetov Jastar teatrynyń basshysy qyzmetine taǵaı̆yndaldy. Bul týraly teatrdyń baspasóz qyzmeti habarlady. 

Nur-Sultan qalasy mádenıet basqarmasy basshysynyń buı̆ryǵymen Jastar teatrynyń negizin qalaýshylardyń biri, belgili teatr jáne kıno akter, Memlekettik "Daryn" jastar syı̆lyǵynyń laýreaty, Memlekettik prezıdent stıpendıasynyń ıegeri, QR eńbek sińirgen qaı̆ratkeri, Memlekettik syı̆lyqtyń ıegeri Ádil Eralyuly Ahmetov Jastar teatrynyń dırektory bolyp taǵaıyndaldy.

Ádil AHMETOV 2002-2006 jyldary T.Júrgenov atyndaǵy Qazaq Ulttyq Óner akademıasynyń "Drama jáne kıno aktery" mamandyǵyn profesor Nurqanat JAQYPBAĬ sheberhanasynda támamdady.

Eńbek jolyn 2002-2006 jyldary "Men" teatrynda, 2006-2007 jyldary Tazabekov teatrynda akterlik qyzmetten bastap, 2007 jyly Astana qalasy Jastar teatrynyń negizin qalaýǵa atsalysqan.