Gvatemalada nóser saldarynan kóshkin bolyp, úılerdi sý basty, dep habarlaıdy Qamshy.kz aqparat agenttigi.
Gvatemala prezıdentiniń aıtýynsha, Álta Verapez ortalyǵynda 100-ge jýyq adam qaıtys bolǵan. Buǵan deıin el boıynsha kóshkin saldyranan 50 adam qaıtys bolǵany aıtylǵan. Prezıdent jaǵdaıdyń qıyn ekenin málimdedi.
Qolaısyz aýa-raıy saldarynan qutqarý jumystaryn júrgizý qıynǵa soǵýda. Kóshe aǵash pen qıraǵan úı úıindisimen jabylǵan, kópirler qulaǵan. Halyq baılanyssyz qaldy. Qazir myńdaǵan adam úıleriniń shatyrynda kómek kútip otyr. Sý deńgeıi qatty kóterilip, tereń bolǵandyqtan, adamdar óz betinshe qaýipsiz jerge bara almaı otyr.
Pikir qaldyrý