COVID-19 boıynsha eldegi epıdemıologıalyq ahýaldy habarlaıtyn resmı www.coronavirus2020.kz saıtynda koronavırýstan qaıtys bolǵandar týraly aqparat jańarmaı tur.
Búgin densaýlyq saqtaý mınıstrligi ádettegideı koronavırýs boıynsha táýliktik statısıkany jarıalady. Mınıstrlik málimetinshe, Qazaqstanda ótken táýlikte 682 adamnan koronavırýs anyqtalyp, 7 adam qaıtys bolǵan. Vırýs juqtyrǵandardyń jalpy sany 122 335-ke, ólgender sany 1959-ǵa jetken.
Soronavirus2020.kz saıtynda táýlik ishindegi anyqtalǵan jaǵdaılar jalpy statısıkaǵa qosylyp, vırýs juqtyrǵandar sany 122 335-ke jetkeni kórsetilgen. Biraq qaıtys bolǵandar týraly aqparatta basqa sıfrlar tur. Mınıstrlik saıtynda 13 naýryz ben 18 qarasha aralyǵynda koronavırýstan 1959 adam qaıtys bolǵany jazylsa, soronavirus2020.kz saıtynda 1899 adam ólgen delingen.
Bul ádeıi istelip otyr ma, álde qarapaıym qate me, ázirge belgisiz.
Biraq qoǵamda bılik koronavırýstan qaıtys bolǵandar sanyn ádeıi azaıtyp kórsetip otyrǵany týraly pikir bar.
Statısıka komıtetiniń dereginshe, 2020 jylǵy mamyr-tamyz aılarynda qaıtys bolǵandar sany ótken jylǵy sáıkes kezeńmen salystyrǵanda 31 myń adamǵa kóp.
Shilde aıynda Qazaqstanda pnevmonıa órship, ólim-jitim kóbeıgen. Sol tusta dúnıejúzilik densaýlyq saqtaý uıymy, shetel jáne Qazaqstan ǵalymdary koronavırýs pen pnevmonıanyń is júzinde koronavırýs ekenin málim etken.
Artynsha prezıdent Toqaev statısıkany retke keltirýdi tapsyrǵan.
Densaýlyq saqtaý mınıstrligi 18 shildeden bastap statısıkalyq derekterdi esepke alý men qalyptastyrýdyń jańa tásilderi aıqyndalǵanyn habarlady. Alaıda pnevmonıa statısıkasyn koronavırýs derekterine qospaı keledi. Sonymen qatar pnevmonıa statısıkasyn tek 1 tamyzdan beri ǵana usyndy.
Ótken táýlikte koronavırýs ınfeksıasynyń belgileri bar pnevmonıanyń 268 jaǵdaıy tirkelgen. 1 tamyz ben 18 qarasha aralyǵynda 40 488 adamnan koronavırýs belgileri bar pnevmonıa anyqtalǵan. 421 adam qaıtys bolǵan.
Pikir qaldyrý