Eki aptadan astam ýaqyt ishinde elordalyq polısıa qyzmetkerleri alkogóldik nemese mas kúıinde kólik quralyn basqarǵany úshin 108 adamdy jaýapqa tartty. Olardyń toǵyzy buryn jol erejesin buzǵany úshin júrgizýshi kýáliginen aıyrylǵan. Bul týraly Nur-Sultan qalasy ákiminiń orynbasary Malıka Bekturova óziniń Telegram arnasynda jazdy.

– Eger joldaǵy kameralar mundaı mashınalardy anyqtasa, olardyń qozǵalysy týraly aqparat birden polısıa qyzmetkerlerine túsedi. Sergektiń  múmkindikteri "qaýipti avtokólikti" jaqyn mańdaǵy polısıa beketinen 3-6 km qashyqtyqta anyqtaýǵa múmkindik beredi. Ári qaraı, mundaı júrgizýshiniń baǵytyn birneshe sekýndqa deıin esepteýge bolady, – dedi Malıka Bekturova.

Madına Bekturovanyń aıtýynsha, ıeleri júrgizýshi kýáliginen aıyrylǵan kólik quraldarynyń nómirlerin endi júıe anyqtaıdy.