Qasym-Jomart Toqaevtyń 2020 jylǵy 2 jeltoqsandaǵy qaýlysymen bekitilgen "2021-2023 jyldarǵa arnalǵan respýblıkalyq búdjet týraly" zań jarıalandy. Zańda oblystyq búdjetterden alynatyn qarajat mólsheri de kórsetilgen.

Zańǵa sáıkes, 2021 jylǵy 1 qańtardan bastap:

- eń tómengi jalaqy - 42 500 teńge;
- memlekettik bazalyq zeınetaqy tóleminiń eń tómengi mólsheri - 18 524 teńge;
- eń tómengi zeınetaqy - 43 272 teńge;
- 1 aılyq eseptik kórsetkish (AEK) - 2 917 teńge;
- bazalyq áleýmettik tólemderdiń mólsherin esepteý úshin kúnkóristiń eń tómengi mólsheri - 34 302 teńge.

Sonymen qatar, 2021 jyldyń 1 qańtarynan bastap zeınetaqy 7 paıyzǵa ósedi.

Búdjettiń kirisi 11 276 999 610 myń teńgeni quraıdy, onyń ishinde:
- salyqtyq túsimder - 6 635 629 335 myń teńge;
- salyqtyq emes túsimder - 286 359 317 myń teńge;
- negizgi kapıtaldy satýdan túsetin túsimder - 3 585 654 myń teńge;
- transfertter túsimderi - 4 351 425 304 myń teńge;

Shyǵyndar 13 756 154 377 myń teńgeni quraıdy.

Taza búdjettik nesıeleý - 107 870,996 myń teńge, onyń ishinde:
- búdjettik nesıeler - 276 469 394 myń teńge;
- búdjettik nesıelerdi óteý - 168 598 398 myń teńge.

Qarjy aktıvteri boıynsha jasalǵan operasıalar saldosy - 16 258 898 myń teńge, onyń ishinde qarjy aktıvterin satyp alý - 16 258 898 myń teńge.

Búdjet tapshylyǵy 2 603 284 661 myń teńge nemese eldiń jalpy ishki óniminiń 3,4 paıyzy kóleminde josparlanǵan.

Shıkizattyq emes búdjettiń tapshylyǵy 6 963 843 861 myń teńgeni nemese eldiń jalpy ishki óniminiń 9,1 paıyzyn quraıdy.

Búdjet tapshylyǵyn qarjylandyrý 2 603 284 661 myń teńge somasynda josparlanǵan.

Zań sonymen birge oblystyq búdjetterden, respýblıkalyq mańyzy bar qalanyń, astananyń búdjetterinen respýblıkalyq búdjetke 451 425 304 myń teńge kóleminde qarajat aýdarýdy kózdeıdi, onyń ishinde:

Atyraý - 213 751 848 myń teńge;
Mańǵystaý - 13 416 746 myń teńge;
Almaty qalasy - 190 108 501 myń teńge;
Nur-Sultan qalasy - 34 148 209 myń teńge.

Zań 2021 jyldyń 1 qańtarynan bastap kúshine enedi.