Jambyl atyndaǵy Qazaq memlekettik fılarmonıasy 2020 jyldyń 19-27 jeltoqsan aralyǵynda Fılarmonıanyń 85 jyldyǵyna arnalǵan birinshi qysqy "PHILHARMONIC NEW YEAR FEST 2020" festıvalin ótkizýdi josparlap otyr.  Bul týraly  fılarmonıanyń baspasóz qyzmeti habrlady. 

Atalǵan festıvál aıasynda fılarmonıanyń solıseri men ujymdarynyń qatysýymen birqatar dýmandy is-sharalar ótkiziledi. 

Festıváldiń negizgi maqsaty – álemdik klasıkalyq mýzykanyń jáne uly Qazaq óneriniń rýhanı qarashańyraǵyna aınalǵan Jambyl atyndaǵy Qazaq memlekettik fılarmonıasynyń mereıtoıyn atap ótý jáne 85 jyl ishinde osy ujymda eńbek etken uly esimderdi ulyqtap, mýzyka óneriniń ozyq úlgilerin nasıhattaý. Bul festıvál jyl saıynǵy dástúrge aınalady dep josparlanýda.

Jambyl atyndaǵy Qazaq memlekettik fılarmonıasy 1935 jyldyń 14 qańtar kúni quryldy. Tuńǵysh dırektory jáne kórkemdik jetekshisi bolyp mýzykatanýshy, ǵalym, kompozıtor, dırıjer, Qazaqstannyń halyq artısi, akademık Ahmet Qýanuly Jubanov qyzmet atqardy. Sol kúnnen beri 85 jyl kóleminde fılarmonıa elimizdegi eń iri mádenı ortalyqtardyń biregeıi ári Almaty qalasynyń tarıhı sáýletti ǵımaratyna aınaldy.

Qazir Jambyl atyndaǵy Qazaq memlekettik fılarmonıasynyń quramynda belgili ujymdar: Nurǵısa Tilendıev atyndaǵy akademıalyq fólklorly-etnografıalyq orkestri, QR Memlekettik akademıalyq sımfonıalyq orkestri, QR memlekettik úrmeli aspaptar orkestri, Baqytjan Baıqadamov atyndaǵy memlekettik hor kapelasy, Ǵazıza Jubanova atyndaǵy memlekettik ishekti aspaptar kvarteti, Memlekettik qaraǵaıly úrmeli aspaptar kvınteti bar.

Sonymen qatar Qazaqstannyń halyq artıseri men qaıratkerleri jeke oryndaýshylar retinde  qyzmet etýde.

Baılanys úshin: +77028098007

E-mail: fil.almaty@gmail.com