Qazaqstan Respýblıkasy Parlamenti Májilisiniń depýtattyǵyna kandıdat Sultan Óserbaev jáne Taraz qalalyq máslıhatynyń depýtattyǵyna kandıdat Mınýra Bojymbaeva kóne shahardyń «Aqbulaq» móltek aýdanynyń turǵyndarymen kezdesip, saılaýaldy úgit-nasıhat jumystaryn júrgizdi. Kandıdattar partıanyń Taraz qalasyn damytý boıynsha 7 basymdyqty aıqyndaǵanyn aıta kele, olar týraly jan-jaqty aqparat  berdi.

Mysaly, «Jaıly qala» baǵyty boıynsha jalpy uzyndyǵy 1 831 km bolatyn avtokólik joldary kóliktiń qaýipsiz ári tıimdi júrýin qamtamasyz etý kózdelip otyr.

Bul úshin «Nur Otan» partıasy 2025 jylǵa qaraı uzyndyǵy 201,4 shaqyrym jol jóndeý jumystaryn júrgizýge, avtobýs parkin 2025 jylǵa qaraı 52%-dan 90%-ǵa deıin jańartýǵa, jyl saıyn keminde 50 avtobýs satyp alýǵa, qaladaǵy  áleýmettik baǵyttarǵa búdjetten sýbsıdıa bólýge, qoǵamdyq kólikterde elektrondyq bıletter júıesin tolyq kóshýge yqpal etedi.

Aksıa aıasynda atalǵan yqsham  aýdan turǵyndarynyń ótinishteri men usynystary tyńdaldy.Sonymen qatar,  Qazaqstan Respýblıkasy Parlamenti Májilisiniń depýtattyǵyna kandıdat Sultan Óserbaev jáne Taraz qalalyq máslıhatynyń depýtattyǵyna kandıdat Mınýra Bojymbaeva turǵyndardy aldaǵy saılaýǵa kelip qatysyp, «Nur Otan»  partıasyna daýys berýge shaqyrdy.

«Nur Otan»  partıasy Taraz qalalyq saılaý qorynyń qarajatynan tólendi