"Narazylyqty toqtatpaımyz". Almatyda "Garant 24 lombard", "Estate lombard" jáne "Vygodnyı zaım" qarjy pıramıdalaryna aldanǵandar taǵy da aryzyn aıtýǵa jınaldy. Qolyna plakat ustap shyqqan turǵyndar "mıllıardtaǵan qarajat keri qaıtpaı qala ma?" dep qaýiptenedi. Bul týraly ktk.kz habarlady 

Áli kúnge deıin aqshasyn qaıtara almaǵan jábirlenýshiler myńdaǵan adamnyń taǵdyryna endi prezıdent arasha tússe dep suraıdy.

– Salǵam somam 3 mıllıon teńge. Ony bankten nesıege aldym. Otbasym, ápkelerim, apam, ata-anam taǵy basqa dostarym bári osy kompanıaǵa aqsha saldy. Kim bul kompanıaǵa eki jyl boıy jumys isteýge ruqsat berdi?! Memleket berdi. Endi solaı bizge de kómektessin. Qalaı ruqsat berdi, osy alaıaqtarǵa, týra solaı kómektessin, – deıdi Almaty qalasynyń turǵyny Aqkenje Ǵumarova. 

Jyl basynda atyshýly kompanıadan zardap shekkenderdiń sany 17 myńnan asyp ketken. Shyǵyn kólemi – 20 mıllıard teńge. "Garant 24 lombard", "Estate lombard", "Vygodnyı zaım" jáne "Nýr-Alı Kapıtal" seriktestikteriniń basshylaryna qatysty qylmystyq is boıynsha sotqa deıingi tergep-tekserý ótken aıda aıaqtaldy. Barlyǵy 50 adam kúdikke ilinse, sonyń 33-i sottyń sanksıasymen qamalǵan. Qalǵan bes kúdikti úı qamaǵyna alynsa, 12 adam eshqaıda ketpeý jónindegi qolhatpen bostandyqta júr.