Qazaqstanda zeınetaqy anýıteti azamattar úshin aıtarlyqtaı qoljetimdi bola tústi. Bul týraly Qarjy naryǵyn retteý jáne damytý agenttigi tóraǵasynyń orynbasary Marıa Hadjıeva sózine silteme jasap, QazAqparat saıty habarlady.

Onyń aıtýynsha, ekonomıkalyq ósýdi qalpyna keltirý máseleleri jónindegi zań zeınetaqy anýıtetin berý qaǵıdalaryna biraz túzetýler engizgen.

• zeınetaqy anýıteti sharty boıynsha eń tómen tólem mólsherin eń tómen zeınetaqydan eń tómen kúnkóris shamasynyń 70%-na jaqyn ózgertýge;
• Zeınetaqy anýıteti aıtarlyqtaı arzandady. Máselen, 2020 jyly zeınetaqy anýıtetin jasaý úshin jetkilikti soma 55 jastaǵy er adamdar úshin 11,3 mln teńge, al 51,5 jastaǵy áıelder úshin 15,5 mln teńge bolǵan. Endi sol jastaǵy er adam anýıtetti – 6,7 mln teńge, al áıel adam – 9 mln teńge.

– Keıinge qaldyrylǵan zeınetaqy anýıtetin 55 jastan bastap tólemder alatyndaı bolyp, 45 jasta alǵan jaǵdaıda er adamda keminde 6,1 mln teńge, al áıelde 7,7 mln teńge bolýǵa tıis. Eger jalpy sıfrlardy alar bolsaq, búgingi kúni shamamen 61 myń adam 283 mlrd teńge somaǵa zeınetaqy anýıteti shartyn jasaǵan, sol arqyly olar ómirdi saqtandyrý jónindegi kompanıadan ózderine ómir boıǵy zeınetaqy tólemine kepildik aldy, – dedi Marıa Hadjıeva.

BJZQ-da zeınetaqy jınaqtary jetkilikti qazaqstandyqtar ózderiniń zeınetaqy jınaqtarynyń bir bóligin turǵyn úı jaǵdaıyn jaqsartýǵa nemese emdelý aqysyn tóleýge paıdalanatynyn, ne aqshasyn zeınetkerlikke jınaqtaı beretinin ózderi sheshýge quqyly.