Qazaqstan Respýblıkasy Mádenıet jáne sport mınıstrliginiń qoldaýymen, Jambyl atyndaǵy Qazaq memlekettik fılarmonıasy jáne «Qazaqstan hor dırıjerleri» respýblıkalyq qoǵamdyq birlestigi 14 mamyr kúni "Mýzykalyq VUCA álemi: oryndaýshylyq pen kórkemdik keńistikti uǵynýdan sosıýmǵa deıin" halyqaralyq ǵylymı-praktıkalyq konferensıasyn ótkizdi. 

Konferensıa Qazaqstan Respýblıkasy Táýelsizdiginiń 30 jyldyǵy jáne qazaqtyń uly aqyny Jambyl Jabaevtyń 175 jyldyǵy aıasynda ótkizilip, ár elderdiń mádenıet jáne óner sheberleriniń basyn biriktirdi.

"Bolashaqqa baǵdar: rýhanı jańǵyrý" baǵdarlamalyq maqalasynda qoıylǵan mindetterdiń biri Qazaqstannyń álemdik mýzykalyq keńistikke ıntegrasıalanýy. Osy turǵyda qazaqstandyq mýzykanttardyń túrli elderdiń mýzykatanýshylarymen tyǵyz shyǵarmashylyq ózara qarym-qatynasyn ornatýy otandyq ádebıet, óner men mádenıet tarıhyndaǵy jańa beleske aınalady. 

Elbasy N.Nazarbaevtyń "Rýhanı jańǵyrý" baǵdarlamasyn iske asyrý maqsatynda QR Mádenıet jáne sport mınıstrligi ulttyq sana men mádenıet deńgeıin arttyrýǵa jáne jalpyǵa birdeı rýhanıatty damytýǵa baǵyttalǵan jańa tıimdi baǵdarlamalardy jasaý jáne engizý boıynsha belsendi jumys júrgizýde. Búgingi "Mýzykalyq VUCA álemi: oryndaýshylyq pen kórkemdik keńistikti uǵynýdan sosıýmǵa deıin" halyqaralyq ǵylymı-praktıkalyq konferensıa - osy úlken ulttyq jobanyń mańyzdy.  

Bul aýqymdy is-shara barysynda ártúrli baılanys túrleri qoldanyldy: 

qashyqtyqtan (onlaın-translásıa nemese beınejazba arqyly);

syrttaı (stendtik baıandama).

Konferensıada tómendegideı ártúrli taqyryptar talqylandy:

Táýelsiz Qazaqstan jáne Táýelsiz Memleketter Dostastyǵy elderi jyldaryndaǵy kórkemdik paıymdaýdyń keńistik-ýaqyt konstantalary;

mýzykalyq oryndaýshylyq / bilim jáne pedagogıka;

qazirgi mýzykalyq mádenıettegi hor oryndaýshylyq;

dástúrli mýzykalyq mádenıet: tarıh pen qazirgi zaman;

mýzykalyq óner salasyndaǵy ınklúzıvti bilim berý;

medıamádenıet keńistigindegi mýzyka men oryndaýshylyq ónerdegi aqparattyq tehnologıalar;

mýzyka mádenıeti men óneriniń kórnekti qaıratkerleri – 2021 jylǵy mereıtoı ıeleri.

Konferensıaǵa mýzyka óneri salasyndaǵy joǵary, orta, qosymsha bilim berý mekemeleriniń zertteýshileri, oryndaýshylary, oqytýshylary men mamandary, doktoranttar, magıstranttar men stýdentter qatysty. Jambyl atyndaǵy Qazaq memlekettik fılarmonıasynyń dırektory, óner ǵylymdarynyń magıstri S.T.Nurmoldaevtyń alǵy sózinen keıin kelesi spıkerler óz baıandamalaryn jasady:

Saıda Elemanova – Ónertaný ǵylymdarynyń kandıdaty, Qurmanǵazy atyndaǵy Qazaq ulttyq konservatorıasynyń «Mýzykataný jáne kompozısıa» profesory (g.Almaty, Qazaqstan).

Baǵlan Bábijan – Qurmanǵazy atyndaǵy Qazaq ulttyq konservatorıasynyń «Halyq áni» kafedrasynyń aǵa oqytýshysy (Almaty q., Qazaqstan).

Klara Tólenbaeva – Qazaqstan eńbek qaıratkeri, Qazaq ulttyq óner ýnıversıtetiniń «Dástúrli án» kafedrasynyń aǵa oqytýshysy (Nur-Sultan q., Qazaqstan).

Aleksandr Vladıslavovıch Solovev – Popov atyndaǵy hor óneri akademıasynyń rektory, P. I. Chaıkovskıı atyndaǵy Máskeý memlekettik konservatorıasy kameralyq horynyń kórkemdik jetekshisi (Moskva q., Rossıa)

Natalá Efımova – ónertaný ǵylymdarynyń doktory, V.S. Popov atyndaǵy hor óneri akademıasynyń ǵylymı jumys jónindegi prorektory (Reseı, Máskeý),

Natalá Koshkareva – ónertaný ǵylymdarynyń kandıdaty, profesor, M.M. Ippolıtova-Ivanova atyndaǵy Memlekettik mýzykalyq-pedagogıkalyq ınstıtýtynyń «Dırıjerlik akademıalyq hor» kafedrasynyń meńgerýshisi. (Moskva q., Rossıa).

Gýlmıra Kýttybadamova – Qazaqstannyń eńbek sińirgen qaıratkeri, Qazaq ulttyq óner ýnıversıteti «Hor dırıjeri» kafedrasynyń profesory, «Qazaqstan hor dırıjerleri» respýblıkalyq qoǵamdyq birlestiginiń tóraǵasy, Hor óneri salasyndaǵy halyqaralyq sarapshy, Búkilálemdik Interkultur hor keńesiniń múshesi (Nur-Sultan q., Qazaqstan).

Anna Pasúk – ToP-facilitator, bıznes-trener, retail-keńesshi, (Almaty q., Ýkraına – Qazaqstan).

Iýlıa Moldabergenova –«BRAND YOU», MVA jeke brendteriniń sarapshysy jáne agenttiktiń negizin qalaýshy (Almaty q., Qazaqstan).

Jandos Baıjanbaev –«K-Medıa» RECORD dırektory (Nur-Sultan q., Qazaqstan).

Zımfıra Poloz - Ortalyq balalar horynyń bas dırıjery, Toronto ýnıversıtetiniń profesory, hor óneri salasyndaǵy halyqaralyq sarapshy, dúnıejúzilik Interkultur hor keńesiniń múshesi (Toronto q., Kanada).

Madına Sankıbaeva – «Shańyraq» otbasylyq ortalyǵynyń jetekshisi (Nur-Sultan q., Qazaqstan). 

Aıgerım Ospanova – Qurmanǵazy atyndaǵy Qazaq ulttyq konservatorıasynyń doktoranty (Almaty q., Qazaqstan).

Serik Toqtasynuly Nurmoldaev – Jambyl atyndaǵy Qazaq memlekettik fılarmonıasynyń dırektory, ónertaný ǵylymdarynyń magıstri (Almaty q., Qazaqstan).

Moderator – Raýshan Maldybaeva, ónertaný ǵylymdarynyń kandıdaty, Qazaq ulttyq óner ýnıversıtetiniń profesory.

Onlaın-konferensıa qashyqtyqqa, shekteýler men kezdesýge múmkindiktiń bolmaýyna qaramastan, mádenı jáne ǵylymı baılanystardy saqtaýǵa jáne damytýǵa múmkindik berdi. Konferensıa sheńberinde tez ózgeretin zamanaýı keńistiktegi mýzyka, mýzykalyq bilim jáne vokaldyq ónerdiń sońǵy tendensıalary men jańa úrdisterdi uǵyný boıynsha, sondaı-aq, olardyń jas urpaqtyń dúnıetanymyn qalyptastyrý men damýyna áser etýdegi rólin túsiný turǵysynan kóp qyrly jumystar júrgizildi. Spıkerlerdiń sózderi arasynda fılarmonıa ujymy - Baıqadamov atyndaǵy Memlekettik hor kapelasy jáne «Turan» etno-folklorlyq toby óner kórsetti.

Jambyl atyndaǵy Qazaq memlekettik fılarmonıasynyń baspasóz qyzmeti