Talǵampaz, táýelsiz, júregi tazalyqtan turatyn kishkentaı kórermenderdiń júreginen oryn alǵan tárbıe mektebi Memlekettik qýyrshaq teatry araǵa azdaǵan úzilis salyp, kórermenderin sahnadan qýantýǵa daıyn. Óziniń damý jolynda batyl tájirıbeleri arqyly jańa premeralar, qyzyqty aıdarlar, taǵylymdy jobalar usynyp júrgen teatr ujymy taǵy da balalarǵa bazarlyq daıyndaýda

İzgi qasıetterge baýlyp, qaıyrymdylyq pen meıirimdilikke úndeıtin teatr repertýaryndaǵy úzdik qoıylymdardy sahnadan tamashalaý múmkindigi týǵanyn qýana habarlaımyz. Móldir meken usynar taǵylymdy, tárbıelik máni zor spektáklder tolassyz aqparat pen ǵalamtor torynan bir sátte arylyp, ǵajaıyp pen jaqsylyq álemine jeteleıdi. Balalar qoıylymdaǵy keıipkerlermen keıde tildesip, keıde qıyndyqtardan shyǵýyna kómektesip, sońynda jaqsylyq mekendegen meıirimdi álemdi birge qurady. Búldirshinderdiń oı-órisin keńeıtip, adaldyqqa, eńbeksúıgishtikke baýlıtyn qýyrshaq teatrynyń qoıylymdarynan qapy qalmańyzdar

Óner ordasynyń basty maqsaty – balalardy teatr álemine qyzyqtyra otyryp, óner arqyly ómirge úıretý bolsa, teatr óz mısıasyn oryndaýda tynbaı eńbektenip keledi. Ońtústik astananyń mádenı ortalyqtaryn jaz mezgilinde kórgisi keletin qala qonaqtary úshin jaz mezgilinde de demalyssyz jumys jasaıtyn teatr ujymy jaǵymdy jańalyqtarymen qýantýǵa daıyn

Esterińizge sala keteıik, ár kórermenimizdiń qaýipsizdigin saqtaý jáne vırýstyń taralýyna jol bermeý maqsatynda kórermender teatr ǵımaratyna «ASHYQ» mobıldi qosymshasy arqyly kirgiziledi.

Beıbit ÁLKEEVA