Bıyl Yessenov University teńiz akademıasy óziniń tuǵysh túlekterine dıplom tabystamaq.

Ýnıversıtet teńiz mamandaryn daıarlaý baǵyty boıynsha memlekettik ınvestısıalyq jobamen 15 óńirlik joǵary oqý oryndary-akademıalyq artyqshylyq ortalyqtarynyń baǵdarlamasyna endi.

Bul joba ýnıversıtettiń sala boıynsha ǵylymı tartylys ortalyǵyna aınalýǵa múmkindik beredi jáne Qazaqstan Respýblıkasynyń «IMO - Halyqaralyq teńiz uıymynyń aq tizimine» enýine yqpal etedi.

Jobanyń tikeleı nátıjesi teńizshilerdi daıarlaý, dıplomdaý jáne vahta jumysyn atqarý týraly halyqaralyq konvensıanyń (PDMNV 78/95 jáne odan ári Manıla túzetýimen) talaptaryna sáıkes sertıfıkattalǵan bilikti kadrlardy daıarlaý jónindegi teńiz akademıasyn jańǵyrtý jáne transformasıalaý negizinde Kaspıı mańy memleketteriniń ǵylymı-bilim berý ortalyǵyn qurý bolmaq. Bul Qazaqstan azamattarynyń kemeler ekıpajdaryndaǵy úlesin arttyrýǵa múmkindik beredi, óıtkeni sol kezde Qazaqstan Respýblıkasy bergen dıplomdardy halyqaralyq teńiz uıymynyń konvensıasyna qosylǵan basqa elder de moıyndaıtyn bolady.

Atalǵan joba sheńberinde qurylatyn Ǵylymı-bilim berý ortalyǵynyń bazasynda júzege asyrylatyn zertteýlerdiń baǵyty aıqyn: sý ındýstrıasyna arnalǵan jańa tehnologıalar, sý kóligin basqarý jáne baqylaý júıesin ońtaılandyrý.

Budan basqa, ǵylymı-bilim berý ortalyǵy keme qatynasy kompanıalaryna, porttarǵa, bilim berý jáne oqý ortalyqtaryna sý kóliginiń joǵary bilikti kadrlaryn daıarlaý boıynsha qyzmetter kórsetetin bolady.