Almaty qalasynyń bas sanıtar dárigeri Jandarbek Bekshın Óńirlik komýnıkasıalar qyzmetiniń baspasóz konferensıasynda sóılegen sózinde sońǵy eki aptada megapolıste KVI derti 1143-ten 2377 jaǵdaıǵa deıin óskenin aıtty.
Sanıtarlyq-epıdemıologıalyq baqylaý departamentiniń basshysy qala turǵyndarynan jaǵdaıdyń ýshyǵýyn boldyrmaý úshin belgilengen shekteýlerdi saqtaýdy surady.
J. Bekshınniń aıtýynsha, sońǵy táýlikte Almatyda KVI-diń 305 jaǵdaıy tirkelgen. "Almatyda 17 maýsymnan bastap epıdemıologıalyq jaǵdaı barynsha kontagıozdy mýtasıalanǵan jańa "delta" shtammynyń taralýyna baılanysty kúrdelene tústi.
Ótken aptada PTR nátıjeleri aldyńǵy 7 kúndegi 130-ǵa qaraǵanda táýligine 215-ke deıin ósti", – dedi qalanyń bas sanıtarlyq dárigeri. Ol bıylǵy jyly megapolıste qazirdiń ózinde 56 myńnan astam vırýs juqtyrǵandardyń, onyń ishinde maýsym aıynda 4 573 jaǵdaıdyń tirkelgein aıtty.
2021 jyldyń birinshi jartyjyldyǵynda dert ótken jyldyń osy kezeńimen salystyrǵanda 10 esege artqan. 132 Jarıalanǵan kúni 02 shilde 2021 Qyzmet baǵyty Densaýlyq saqtaý Jańalyqtarǵa jazylý
