2024 jyly Parıjde ótetin olımpıada oıyndarynan karate, beısbol jáne softbol sport túrleri alynyp tastaldy, dep habarlady olımpıada uıymdastyrý komıteti. 

Uıymdastyrý komıteti jarys baǵdarlamasy naqty ekenin jáne tizim ózgermeıtinin málimdegen. 

Dúnıejúzilik karate federasıasynyń prezıdenti Antonıo Espınosa sporttyń bul túri olımpıada oıyndaryna oralýy kerek ekenin aıtty.

– Biz álemge karateniń erekshe sport túri ekenin kórsettik. Ol arnaıy sporttyq daıyndyqty jáne arnaıy tehnıkany qajet etedi. Bul olımpıadaǵa usyna alatyn sport, óıtkeni ol olımpıadalyq qundylyqtarǵa sáıkes keledi, – dedi Espınosa.

Eske salsaq, karate sporty Tokıodaǵy 2020 jylǵy olımpıada oıyndaryna alǵash ret engen bolatyn. Qazaqstan atynan barǵan karateshiler Darhan Asádilov pen Sofá Berýlseva elge eki qola medal alyp kelgen.