EKSPO-2017 komısary, QR Syrtqy ister mınıstriniń birinshi orynbasary Rápil Joshybaev AQSH-tyń jańa tehnologıalardy jasaý jáne óndirýdiń álemdegi eń iri ortalyqtary ornalasqan San-Fransısko men Kremnıı alqabyna bardy. Bul týraly "Qamshy" portaly QazAqparatqa silteme jasaı otyryp habarlaıdy.
QR SİM-niń baspasóz qyzmetiniń habarlaýynsha, EKSPO-2017 komısary San-Fransısko meriniń orynbasarymen, «GoogleEarth», «StanfordGlobalThermostat», «ObscuraDigital», «PlanetLabs» kompanıalarynyń basshylarymen, sondaı-aq Stenford ýnıversıtetiniń ǵylymı ortasymen kezdesti.
San-Fransısko meri Mark Chandlermen kezdesý barysynda ınvestısıalyq yntymaqtastyq pen amerıkan-qazaqstandyq kompanıalar seriktestiginiń múmkindikteri talqylandy. M.Chandler «AQSH-tyń EKSPO-2017 kórmesine qatysýy el úkimetiniń klımattyń ózgerýine qarsy kúres jáne «jasyl» energetıkanyń turaqty damýyn qamtamasyz etý saıasatynyń qısyndy jalǵasy bolatynyn» atap ótti.
San-Fransıskonyń energıany únemdeý tehnologıalary salasynda moıyndalǵan kóshbasshy jáne álemde «jasyl» qala sertıfıkatyn alǵan birinshi qala ekenin esepke ala otyra, ol sondaı-aq San-Fransıskonyń qazaqstandyq EKSPO kórmesine Shanhaıdaǵy kórmede bolǵandaı jeke pavılonmen qatysý múmkindigin atap ótti.
Kremnıı alqabyndaǵy kezdesýde R.Joshybaev amerıkandyq kompanıalardyń EKSPO-2017 kórmesine qatysý múmkindikteri týraly baıandap berdi.
«GoogleEarth» basshysy Keıt Brent kompanıanyń álemdegi klımattyq ózgerister boıynsha jobalary týraly aıta otyryp, kórmeniń «Bolashaq energıasy» taqyrybyna úlken qyzyǵýshylyǵy men kompanıanyń EKSPO-2017 kórmesi áriptesteriniń biri bolý múmkindigin qarastyrýǵa daıyn ekenin atap ótti. K.Brenttiń aıtýynsha, Google sońǵy ýaqytta álemdik kórmelerge belsendi qatysyp, ekologıalyq jobalardy qoldap keledi. Máselen, taıaýda kompanıa BUU-nyń «Barlyǵyna arnalǵan turaqty energetıka» bastamasynyń áriptesi atandy.
