Kúni keshe Almatydaǵy «Interkontınental» qonaqúıinde otandyq dzúdo kúresiniń egesin kógertip júrgen bir top azamatqa qurmet kórsetildi. Bul týraly "Qamshy" portaly Aıqynǵa silteme jasaı otyryp habarlaıdy.

Jýyrda ǵana Astanada dzúdodan álem chempıonaty aıaqtalǵan bolatyn. Sol ja­rysta asa jeńil salmaqta beldesken El­dos Smetov bas júldeni qanjyǵasyna baıla­sa, Rýstam Ybyraev kúmis medaldi moınyna ildi. Jalpy, komandalyq esepte Qazaqstan quramasy 120 memleket ókil­deri arasynan tórtinshi oryndy ıelendi. Aldy­myzda tek Japonıa, Fransıa jáne Ońtús­tik Koreıa­nyń balýandary. Bul Qazaqstan dzúdosy tarıhyndaǵy teń­dessiz oqıǵa ekeni daýsyz. 
Almatydaǵy jıyn barysynda alǵash­qy bolyp sóz alǵan respýblıkalyq dzúdo federasıasynyń prezıdenti Keńes Raqyshev Astanadaǵy jarystyń máni men mańyzyna toqtalyp, osy jarysta ja­syndaı jarqyraǵan qos qandasymyzǵa, olardyń jattyqtyrýshylary jáne álem chempıonatynyń oıdaǵydaı ótýi úshin ter tókken osy salanyń basy-qasynda júr­gen azamattarǵa zor alǵysyn bildirip, olardy aqshalaı syılyqtarmen mara­pattady. Sondaı-aq osydan biraz ýaqyt buryn Saraevoda ótken jasóspirimderdiń álem birinshiliginde qarsylas shydatpaı, altyn júlde alǵan daryndy balýan Aıbo­lat Ystybaıǵa erekshe qurmet kórsetildi.