15 qyrkúıekte Vena qalasynda Atom energıasy jónindegi halyqaralyq agenttigi (AEHA) Bas konferensıasynyń 59-shy sesıasy bastaldy.Bul týraly "Qamshy" portaly QR SİM baspasóz qyzmetinen habarlaıdy.
164 múshe memleket delegasıalary AEHA jyl saıynǵy fızıkalyq ıadrolyq qaýipsizdik baıandamalaryn, sondaı-aq Agenttiktiń esebin, baǵdarlamasyn jáne búdjetin qarastyrady. Bas konferensıanyń sheńberinde qatysýshylar ıadrolyq energetıkanyń keleshek damýy, ıadrolyq jáne radıasıalyq qaýipsizdik salalaryndaǵy halyqaralyq yntymaqtastyqtyń kúsheıýi, ıadrolyq energıany, ıadrolyq tehnologıany beıbit maqsatta paıdalaný jáne qoldaný, tehnıkalyq yntymaqtastyǵyn, kepildikterdiń tıimdiligin jáne áserin nyǵaıtý máselelerine erekshe nazar aýdarady.
Bas konferensıanyń jumysynda Qazaqstannyń Energetıka mınıstri Vladımır Shkolnık bastaǵan delegasıa qatysýda. Qazaqstan delegasıasynyń quramyna QR SİM, «Qazatomónerkásip» UAK» AQ, Ulttyq ıadrolyq ortalyǵynyń ókilderi jáne t.b. kirdi.
Qazaqstan delegasıasynyń basshysy Genkonferensıanyń ashylýynda jasalǵan baıandamasynda elimizdiń ıadrolyq qarýsyzdaný salasyndaǵy jetistikterimiz aıtyldy, QR men AEHA arasyndaǵy ıadrolyq energıany beıbit maqsatta paıdalaný salasynda sátti yntymaqtastyǵyn atap ótti. Qatysýshylar ulttyq ıadrolyq energetıka baǵdarlamalaryn jáne atom salasyn damytý boıynsha josparlarymen tanystyryldy. AEHA múshe memleketteri Qazaqstan Prezıdenti Nursultan Nazarbaevtyń ıadrolyq qarýdy taratpaý bastamalaryna, sonyń ishinde ATOM jobasyna nazar aýdardy.
V. Shkolnık AEHA Bas dırektory Iýkıa Amanomen, Iran, AQSH, Japonıa, Fransıa, Reseı, Úndistan elderdiń delegasıa basshylarymen kezdesti. Kezdesý barysynda ózekti yntymaqtastyq máseleleri jáne «EKSPO-2017» halyqaralyq mamandandyrylǵan kórmesin ótkizý máselesi talqylandy.
Bas konferensıanyń ótkizilý kezeńinde BUU Venadaǵy bólimshesinde «Qazatomprom» UAK» AQ kórmesi jaıyldy.
AEHA Bas konferensıasynyń jumysy 18 qyrkúıekke deıin jalǵasady.
Atom energıasy jónindegi halyqaralyq agenttigi 1957 jyly quryldy. 1994 jyly 14 aqpanda Qazaqstan Respýblıkasy 121 AEHA múshe memleketi bolyp qosyldy.
