Atyraý munaı óńdeýshileri teńgeni erkin aınalymǵa jibergennen keıin óz ónimderin eksportqa ótkizý kólemin ulǵaıtpaq. Bul týraly "Qamshy" portaly QazAqparataqa silteme jasaı ltyryp habarlaıdy.

«Bizdiń kásiporyn Reseıdiń turaqty tutynýshylarmen ǵana emes, Fransıa, Baltyq mańyndaǵy úsh elmen, Ýkraına, Grýzıa, Ázerbaıjan, Ózbekstandaǵy áriptestermen sharttar jasasty. Osynyń barlyǵy targetteýden keıin múmkin boldy. Ótken jyly biz eksportqa 2 myń tonna keptirilgen nemese qatyrylǵan sazan, aqtaban, torta balyq, shortan, jaıyn, kókserke etin shyǵarsaq, bıyl satý kólemi azaıdy. Qunsyzdanǵan rúblge ónim satý tıimsiz boldy. Teńge baǵamyn túzetý kásiporynǵa satý kólemin qaıta ulǵaıtýǵa, keleshekke jospar qurýǵa múmkindik berdi», - dedi Amangeldi atyndaǵy óndiristik kooperatıvtiń bas tehnology Janna Ǵaısına.

Teńge baǵamynyń ózgerýinen alynǵan qosymsha qarajatqa kásiporyn balyq keptiretin jańa seh salýdy josparlaýda. Ol balyq keptirýdi jyly kúnderi ǵana emes, jyl boıy júzege asyrýǵa múmkindik beredi. Bul kólemge de, kásiporynnyń básekege qabilettiligine de oń yqpal etedi. Kásiporyn josparynda konservi sehyn salý bar.

Kásiporynǵa qarajat tek sehtardyń óndiristik bazasyn damytýǵa ǵana qajet emes. Jańa keme, býksır satyp alý josparda bar. Bul balyq aýlaýdy keńeıtý úshin qajet.

Kúzde 1 qyrkúıekte jumysyn bastaǵan 12 kemesi bar óndiristik kooperatıv 3 myń tonna balyq daıyndaýdy josparlaýda. Maýsymda jumysqa barlyǵy 700 adam jumyldyrylǵan, olardyń 200-i turaqty jumys isteıtin qyzmetkerler.