Sáýir aıynyń qorytyndysy boıynsha, teńge baǵamy jahandyq qarjy naryqtaryndaǵy belgisizdik pen qubylmalylyqqa qaramastan 1 dollar úshin 445,62 teńgege deıin nemese 4,6%-ǵa nyǵaıdy. Bul týraly ulttyq banktiń baspasóz qyzmeti habarlady.
"Sáýir aıynda shetel valútasyna suranystyń aıtarlyqtaı tómendegeni baıqaldy. Qazaqstan qor bırjasyndaǵy saýda-sattyqtyń jalpy kólemi 1,9 mlrd AQSH dollary bolǵan kezde saýda-sattyqtyń ortasha kúndik kólemi 179 mln AQSH dollarynan 92 mln AQSH dollaryna deıin tómendedi. İshki valúta naryǵynda ahýaldyń turaqtanýy aıasynda Ulttyq Bank sáýirde valútalyq ıntervensıalardy, sondaı-aq BJZQ-nyń zeınetaqy aktıvteri men senimgerlik basqarýdaǵy basqa da qorlar úshin shetel valútasyn satyp alý nemese satý operasıalaryn júrgizgen joq" delingen aqparattyq habarlamada.
Ulttyq bank qysqa merzimdi perspektıvada teńgeniń qubylýy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa baılanysty bolatynyn atap ótti.
Pikir qaldyrý