Astana qalasy máslıhatynyń 56-shy sesıasynda elordanyń Bilim basqarmasyna 1 mıllıard 162 mıllıon teńge kóleminde qarajat bólý máselesi qarastyrylǵan bolatyn. Atalmysh qarjy kóziniń 1 mıllıard 93 mıllıon teńgesi qala mektepterindegi 1-4 synyp oqýshylaryn tegin tamaqtanýmen qamtamasyz etýge baǵyttalyp otyr. Bul týraly Qamshy portaly Astana qalasy ákimdiginiń resmı saıtyna silteme jasap, habarlaıdy.

Elmıra Sýhanberdıeva, Astana qalasy Bilim basqarmasynyń basshysy:

– Memleket basshysy Nursultan Nazarbaev elimizdegi bilim salasynyń damýyna erekshe kóńil bóledi. Memlekette áldebir jańa jobalardyń aporbasıasy júrgizilse, Astana árdaıym birinshi kezekte turady. Astana - ákim men máslıhat tarapynan bastaýysh synyp oqýshylaryn tegin tamaqtanýmen qamtamasyz etý bastamasy qoldaý tapqan elimizdegi jalǵyz qala. Sonymen qatar, máslıhat sheshimine saı 2016 jyldyń 1 qańtarynan bastap jetim balalarǵa, ata-ana qaraýynsyz qalǵan balalarǵa jáne az qamtylǵan otbasylardar shyqqan balalarǵa qoǵamdyq kólikterde tegin júrý quqyǵy beriledi.

Mysal úshin atap aıtatyn bolsaq, №6 orta mektepte bastaýysh synyp oqýshylarynyń tamaqtaný kestesi tórtke bólingen. Munda kúndelikti bastaýysh synyptardyń 600 astam oqýshysy tegin ystyq tamaqpen qamtylady. Sonymen qatar, jetim jáne az qamtylǵan otbasylardan shyqqan balalar da tegin tamaqtanýmen tolyq qamtylyp otyr.

Eske sala keteıik, elordada 91 jalpy bilim beretin mekeme jumys isteýde, onda 56 377 bastaýysh synyp oqýshysy tirkelgen.