Almaty ákimi Baýyrjan Baıbek megapolıske jumys saparymen kelgen FISU halyqaralyq stýdenttik sport federasıasynyń bas hatshysy Erık Saıntrondty qabyldady.Bul týraly Qamshy portaly Inform.kz-ke silteme jasap, habarlaıdy.
Ákimdiktiń baspasóz qyzmeti habarlaǵandaı, 2017 jylǵy Ýnıversıadany ótkizýge ázirlik máselelerine arnalǵan shara barysynda jasalǵan jumystardyń esebi talqylandy jáne aldaǵy sharalarǵa túzetýler engizildi. Almaty ákimi qalany áleýmettik-ekonomıkalyq damytýdaǵy jobanyń mańyzyn jáne joǵary mýltıplıkatıvtik tıimdiligin atap ótti.
«Qurylys nysandarynda qazaqstandyq úlestiń oń úrdisi aıqyn, búginde ol shamamen 52 paıyzdy quraıdy. Ár nysanda 500-den astam otandyq kásiporyndar jumys isteıdi. Megapolıs qazynasyna qurylys kezeńindegi salyq túsimderi 12,4 mlrd. teńgeni quraıdy. Eń bastysy - qurylys kezeńinde 12,5 myń jumys orny qurylady», - dep atap kórsetti B.Baıbek.
Sonymen qatar áleýmettik júktemeniń ulǵaıǵany jáne nysandardyń perspektıvalary atalyp ótildi. Aıtalyq, eger bastapqy kezeńde Atletıka aýylyna ýnıversıadadan keıin bes myń stýdent kóshetini josparlanǵan bolsa, endi qazir 10,5 myń orynǵa ornalastyrý kózdelýde. Qala basshysy Atletıka aýyly damyǵan áleýmettik ınfraqurylymymen qalalyq stýdenttik keshenge aınalatynyn atap kórsetti - munda dámhana, meıramhanalar, emhanalar jáne basqa da nysandar ornalasady.
«Muz arenasymen birge bul Almatyda qala halqynyń belsendi demalatynyn ornyna aınalady. Búginde qala ákimdigi ázirlik jumystary joǵary deńgeıde jáne kórsetilgen merzimderde júrgizilýi úshin barlyq qajetti sharalardy alýda», - dep atap kórsetti B.Baıbek.
Óz kezeginde E.Saıntrond ákimdi taǵaıyndalýymen quttyqtady jáne FISU tarapynan Ýnıversıadanyń atqarýshy dıreksıasyna jáne tutastaı alǵanda qala ákimdigine ázirlik jumystary úderisinde tolyq qoldaý kórsetiletinin taǵy da qýattady. Qonaqtardy sport aýylynyń jobasy, onyń áleýmettik perspektıvasy, ásirese nysan komersıalyq maqsattardaǵy qolǵa ótpeı, joǵary oqý ornynyń nysany bolyp qalatyny tánti etti.
«Biz Almatydaǵy Ýnıversıada bolashaqta barlyǵyna úlgili bolǵanyn qalaımyz. Jumystardyń negizgi aýqymy eldegi jáne álemdegi ekonomıkalyq qolaısyz jaǵdaılarǵa qaramastan oıdaǵydaı júrip jatqany súıinishti», - dedi FISU ókili.
9-14 qazan aralyǵynda Almatyǵa quramynda 14 sarapshy bar FISU tehnıkalyq komısıasynyń delegasıasy sporttyq nysandardyń jáne barlyq fýnksıalyq baǵyttardyń ázirligi deńgeıin tekserý úshin keletinin atap ótken jón.
