Nursultan Nazarbaev kún tártibindegi meılinshe ózekti halyqaralyq máseleler boıynsha Qazaqstannyń ustanymyn jáne olardy sheshý joldaryn baıandady. Bul týraly Qamshy portaly akorda.kz-ke silteme jasap, habarlaıdy.
Elbasy HXI ǵasyrda adamzattyń eń basty mindeti álemdi soǵys qaterinen múlde aryltatyn jáne onyń sebepterin joıatyn strategıany júzege asyrý bolýǵa tıis ekenine nazar aýdardy. Sol úshin Qazaqstan Prezıdenti Birikken Ulttar Uıymynyń júz jyldyǵyna Jahandyq Strategıalyq Bastama – 2045 josparyn ázirleýdi usyndy.
Sonymen qatar, sóz sóıleý barysynda Birikken Ulttar Uıymynyń ıadrolyq qarýdan azat álemge qol jetkizý týraly Jalpyǵa ortaq deklarasıasyn qabyldaý jóninde bastama jasaldy.
Sondaı-aq Nursultan Nazarbaev halyqaralyq quqyq qaǵıdattaryn jahandyq saıasattyń barlyq qatysýshylary saqtaýy mańyzdy ekenin atap kórsetti jáne 2016 jyly Birikken Ulttar Uıymynyń halyqaralyq quqyqtyń arqaýlyq qaǵıdattaryn bekitýge arnalǵan joǵary deńgeıdegi halyqaralyq konferensıasyn shaqyrý ıdeıasyn jarıalady.
Sońynda Qazaqstan Prezıdenti terorızmge jáne ekstremızmge qarsy is-qımyl jasaý, jasyl tehnologıalardy damytý, sondaı-aq BUU shtab-páterin Azıaǵa kóshirý máselelerine toqtaldy.
