Búgin Astanadaǵy Táýelsizdik saraıynda ótip jatqan X Kazenergy Eýrazıalyq forýmynda elimizdiń Energetıka mınıstriniń birinshi orynbasary Uzaqbaı Qarabalın «Eýrazıa» jobasyn júzege asyrýǵa qatysty máselelerge erekshe toqtalyp, onyń bolashaǵyna qatysty pikir bildirdi. Bul týraly Qamshy portaly  Baq.kz-ke silteme jasaı otyryp habarlaıdy.

«Eýrazıa óńirindegi energıa qaýipsizdigi: jańa yntymaqstastyq mehanızmi» taqyryby aıasyndaǵy konferensıada sóz alǵan Uzaqbaı Qarabalın «Eýrazıa» jobasynyń ereksheligine toqtalyp ótti.

- Bul jobanyń basty ereksheligi – Kaspıı teńizi mańyndaǵy uńǵymalardy tereń zerttep, zerdeleýge negizdelgen. Sondyqtan da bul joba tehnologıalyq jáne qoldanbaly aspektilerdiń keń spektrin ǵylymı turǵyda júzege asyrýdy qamtamasyz etedi dep oılaımyn. Sonymen qatar, uńǵymalardy tereńdete burǵylaý boıynsha da osy salada álem boıynsha rekordttyq kórsetkishke qol jetkizýimiz neǵaıbyl emes, - dedi Uzaqbaı Súıleımenuly.

Onyń aıtýynsha, Qazaqstannyń Orta Azıa óńirin energetıkalyq qaýipsizdikpen qamtamasyz etý múmkindigin joqqa shyǵarýǵa bolmaıtyn kórinedi. Onyń ústine «Eýrazıa» syndy ǵalamat jobanyń júzege asýyna qytaılyq CNPC kompanıasynyń qyzyǵýshylyq tanytýy bizdiń elimizdiń keıbir múmkindikterin odan saıyn arttyra túsedi.