Búgin mereıtoılyq H Eýrazıalyq KAZENERGY forýmy sheńberinde «Eýrazıa óńirindegi energıa qaýipsizdigi: jańa yntymaqtastyq mehanızmi» munaı-gaz konferensıasy ótti. Sharany KAZENERGY qaýymdastyǵy men QHR Injenerlik akademıasy jáne CNPC Qytaı memlekettik munaı-gaz korporasıasymen birlesip uıymdastyrdy. Bul týraly Qamshy portaly Bak.kz-ke silteme jasaı otyryp habarlaıdy.

Sala mamandary alqaly jıynda Qazaqstannyń munaı-gaz keshenin tereń damytý, munaı-gaz Jibek jolynyń paıda bolýy jáne strategıalyq tujyrymdamasy, «QazMunaıGaz» UK AQ-da geologıalyq barlaý jumystarynyń jaǵdaıy men perspektıvalary, Qarashyǵanaq ken ornyn ulǵaıtý, munaı-gaz tehnologıalary jáne CNPC tehnologıalary jáne basqala da máseleler qaraldy. Al basqosýda Energetıka Birinshi vıse-mınıstri Uzaqbaı Qarabalın, SINOPEC GROUP Qytaı munaı jáne hımıa korporasıasynyń tóraǵasy Van Iýı Pý, Halyqaralyq ınjenerlik akademıa jáne reseılik ınjenerlik akademıa prezıdenti Borıs Gýsev, «QazTransOıl» AQ Basqarma tóraǵasy Qaıyrgeldi Qabyldın, PetroChina Vıse-prezıdenti Lúı Gýnsıýn syndy óz salasynyń bilgirleri sóz sóılep, taqyrypty qatysýshylarmen birlese talqylady. 
Sońǵy onjyldyqta Qazaqstan men Qytaı arasyndaǵy saýda qatynasy turaqty túrde ósip kele jatqandyǵyn atap ótken Uzaqbaı Súılemenuly, qarqyndap damyp kele jatqan energetıka salasy yntymaqtastyqtyń basymdyqqa ıe bolǵan salalarynyń biri ekendigine keńinen toqtaldy. 
- Qazirgi ýaqytta qytaı kompanıalary ınjınırıń, uńǵymalar qoryna qyzmet kórsetý, munaı óndirý, munaı jáne gaz qubyrlary júıesiniń qurylysy jáne paıdalanylýy, munaı ónimderin saqtaý jáne ótkizý salasyndaǵy qazaqstandyq jobalarǵa qatysýda, - dedi ol óz sózin naqtylaı túsip. 
Sondaı-aq, konferensıa aıasynda Qazaqstan Respýblıkasy Ulttyq Injenerlik akademıasy men Qytaı halyq Respýblıkasynyń Injenerlik akademıasy arasyndaǵy yntymaqtastyq týraly memorandýmǵa qol qoıý arqyly eki el arasyndaǵy ınjenerlik ǵylym men tehnologıalar salasyndaǵy yntymaqtastyq nyǵaıa tústi. 
Bul kelisimde eki el arasyndaǵy ınjenerlik ǵylym jáne tehnologıalar salasyndaǵy, atap aıtqanda IǴT tıisti salalary arasyndaǵy baılanysty qalyptastyrý, mamandarmen tájirıbe almasý jáne basqalar boıynsha yntymaqtastyq kózdelgen. Kelisimge saı, Qazaqstan men Qytaıdyń Injenerlik akademıalary energetıka jánen qorshaǵan orta salasynda birlesken zertteýler júrgizedi. Strategıalyq ǵylym men tehnologıalyq saıasat boıynsha forýmdar jáne Jibek jolynyń ekonomıkalyq beldeýin damytý, aýyl sharýashylyǵy, mal sharýashylyǵy, kóliktik júıeler, aqparattyq tehnologıalar jáne komýnıkasıalar, ınjenerlik bilim berý jáne basqa da mańyzdy qoǵamdyq máseleler boıynsha birlesip demeýshilik jasalatyn óńirlik nemese halyqaralyq ǵylymı konferensıalar ótkizedi boljanýda.