Ońtústik Qazaqstan oblysynyń sharýalary maqta alqaptaryndaǵy "aq altynnyń" 32 paıyzyn jınady, dep habarlady aımaq ákimdigi. Bul týraly Qamshy portaly http://today.kz/-ke silteme jasap habarlaıdy.

Aıta óteıik, terim naýqany bastalǵan ýaqyttan beri 84500 tonna maqta tergen sharýalar maýsym sońyna deıin bul kórsetkishti josparǵa sáıkes 265 myń tonnaǵa jetkizemiz dep otyr.

"Maqtanyń satyp alý baǵasy ótken jylmen salystyrǵanda birshama ósip, 100-105 teńgege jetken. "Aq altynnyń" qymbat baǵada saýdalanyp jatqanyna maqtaraldyq sharýalar dán razy", - delingen habarlamada.

Oblystyq aýyl sharýashylyǵy basqarmasy mamandarynyń málimetinshe, "aq altyn", negizinen, Maqtaral men Shardara aýdandarynda jınalyp jatyr. Al Otyrar, Túrkistan jáne Ordabasy aýdandarynda terim naýqany endi qyza bastaǵan.

Aıta keteıik, oblysta 99,3 myń gektar jerge shıtti maqta egilgen. Sharýalar maqta alqabynyń ár gektarynan 26,7 sentnerden ónim alamyz dep otyr.