Sırıalyq soǵys, mıgrasıalyq daǵdarys, Ankaradaǵy terorızm jáne eýroıntegrasıamen kúres – bul Túrkıa prezıdenti Redjep Taıyp Erdoǵannyń Eýropa jáne Japonıaǵa is-saparynda talqylamaq máseleleriniń taqyryptary. Bul týraly «Qamshy» portaly euronews.com-ǵa silteme bere otyryp habarlaıdy.

Jeksenbi kúni Strasbýrg qalasyna barǵan Erdoǵan myrzany jergilikti halyq «Terrorǵa qarsy birgemiz» degen uranmen qarsy aldy.

«Bizdiń qazirgi basty máselemiz – bul terorızm, KJP (Kúrd jumysshylar partıasy) jáne KJP qoldaý kórsetip otyrǵan HDP (Halyqtardyń demokratıalyq partıasy) terrorısteri», - dedi Taıyp Erdoǵan. Sheteldik otandastaryn jaqynda ótetin parlamenttik saılaýda óziniń partıasyn qoldaýǵa shaqyrǵan ol: «Búlikti shyǵarǵandar bizdiń kúrd baýyrlarymyzdyń qatarynda bolýǵa laıyqsyz», - degen bolatyn. Aıta keteıik, Túrkıadaǵy saılaý 1-qarashaǵa josparlanǵan, biraq sheteldegi jamaǵattyń 8-qazannan bastap-aq daýys berýine bolady eken.

Mıtıń ótken ǵımarattyń aldynda Erdoǵannyń saıası qarsylastary da jınaldy. Olar túrik kóshbasshysyn prezıdenttik resmı is-saparynyń saılaý aldy úgit-nasıhat retinde paıdalanylǵany úshin aıyptady.

«Onyń bul jerge kelýi tipten orynsyz! Eýropada turatyn túrikter aldynda mundaı saılaý aldy mıtıń ótkizýge onyń quqysy joq!», - dedi narazylyq aksıasyna qatysýshylarynyń biri.

Túrkıadaǵy merziminen erte ótkeli jatqan saılaý Erdoǵannyń damý partıasy men onyń saıası básekelesteri ókildik etetin Ádilettilik partıasy arasynda sátsiz aıaqtalǵan koalısıalyq kelissózderdiń saldarynan jarıalanǵan bolatyn.

Erdoǵannyń Túrkıadaǵy azshylyq ulttardyń quqyn qorǵaıtyn HDP parlamentine ótýi de saıası júıeni prezıdenttik júıege aýystyrýǵa jol bermedi. Jańa saılaýdyń ótetinin jarıa etken ol, parlamentte kópshilik daýysqa ıe bolyp, ata zańǵa ózgeris engizýge úmitti.

Nazgúl Nazar