Almaty ákimi Erbolat Dosaevtyń halyqpen kezekti kezdesýi Almaly aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi.

Kezdesýge 250-den astam adam keldi. Aýdanda komýnaldyq ınfraqurylymdy modernızasıalaý máselesi ózekti bolyp qala beredi. Aýdandy turaqty elektrmen qamtamasyz etý úshin ótken jyly 58,5 shaqyrym elektr jelisi aýystyryldy, 60 qosalqy stansıa qaıta jańartyldy.

Bıyl taǵy 50 shaqyrym jelini jańartý, 28 qosalqy stansıany jóndeý josparlanýda. Bul aýdannyń elektr jelileriniń ortasha tozýyn 81%-dan 61%-ǵa deıin tómendetedi. Sondaı-aq, aýdanda 7 shaqyrymǵa jýyq sý qubyry jáne káriz jelileri jańartylyp, salynady, 1 shaqyrymnan astam jylý jelileri jóndeledi.

Ótken jyly joldardyń paıdalaný sıpattamalaryn jaqsartý úshin jalpy uzyndyǵy 15 km 18 kóshede ortasha jóndeý júrgizildi. 2023 jyly jalpy uzyndyǵy 16,6 km 26 kóshede jol tósemin ortasha jóndeý josparlanǵan.Ótken jyly azamattarǵa yńǵaıly bolý úshin aýdanda 2 avtobýs baǵytynyń qozǵalys syzbasyna ózgerister engizildi, 10 aıaldama ornatyldy.

Aǵymdaǵy jyldyń qyrkúıegine deıin taǵy 7 aıaldama keshenin ornatý josparlanýda. Aýdanda qaýipsizdik máselelerine erekshe kóńil bólinedi. Ótken jyly aýdanda beınemonıtorıng júıesiniń 541 beınekamerasy ornatylǵan. 700-den astam qosymsha beınekamera ornatý josparlanýda. Jol qaýipsizdigin jaqsartý maqsatynda qoldanystaǵy 178 «Sergek» keshenine 2023 jyldyń birinshi toqsanynda taǵy 38 keshen qosý josparlanýda.

Syrtqy jaryqtandyrýdy ornatý jáne jańǵyrtý jumystary jalǵasýda. Ótken jyly buryn jaryyǵy bolmaǵan 14 kóshede 13.8 km syrtqy jaryqtandyrý jelileriniń qurylysy aıaqtaldy jáne Baıtursynov pen Rozybakıev kóshelerinde 7,2 km syrtqy jaryqtandyrý modernızasıalandy. Aǵymdaǵy jyly SJJ qurylysyna JSQ ázirleý úshin jaryqtandyrylmaǵan 10 kósheniń tizbesi daıyndaldy.

Ákimdiktiń turaqty baqylaýynda aýdannyń áleýmettik ınfraqurylymyn damytý máseleleri tur. Oqýshy oryndarynyń tapshylyǵyn azaıtý úshin ótken jyly 2 mektepke 850 oryndyq 2 qosymsha nysan engizilip, 850 oryndyq jeke mektep ashyldy. «Jaıly mektep» jobasy aıasynda bıyl 1,5 myń oryndyq jańa mektep salýdy bastaý jáne ony 2024 jyly iske qosý josparlanýda.

Sondaı-aq, eki mekteptiń árqaısysyna 300 oryndyq qosymsha qurylystar salý jobalary ázirlenýde. Shilde aıynda № 15 gımnazıany seısmıkalyq kúsheıtýmen kúrdeli jóndeý aıaqtalady jáne tamyz aıyna deıin № 136 mektep-gımnazıany kúrdeli jóndeýmen seısmıkalyq kúsheıtýge JSQ ázirlenedi. Mektepke deıingi bilim berýdi damytý úshin ótken jyly 290 oryndyq 5 jekemenshik balabaqsha ashylyp, № 7 balabaqshany seısmıkalyq kúsheıtý aıaqtaldy.

Seısmıkalyq kúsheıtýmen kúrdeli jóndeý aǵymdaǵy jyldyń kúzinde taǵy bir balabaqshada aıaqtalady. Medısınalyq qyzmet kórsetýdiń, ásirese aǵa býyn men balalardyń qadamdyq qoljetimdiligin qamtamasyz etý úshin aǵymdaǵy jyly burynǵy temirjol aýrýhanasynyń ǵımaratyn zamanaýı «Qalalyq balalardy ońaltý ortalyǵy» retinde qaıta jańartý bastalady.

Ortalyqtyń ózi kelesi jyly ashylady dep josparlanýda. Sondaı-aq, jyl sońyna deıin 500 kelýshige arnalǵan jańa emhana salý jobasy ázirlenetin bolady. Almaty ákimi 2023 jyly ákimdik aýdannyń 77 aýlasyn retke keltiretinin habarlady. Qoǵamdyq keńistikti ózgertý jumystary jalǵasýda.

Mamyr aıynda Kúlásh Baıseıitova atyndaǵy jaıaý júrginshiler kóshesinde jóndeý jumystaryn aıaqtaý josparlanýda. Birinshi jartyjyldyqta Álıa men Mánshúk skverin qaıta rekonstrýksıalaý jumystary bastalady.  Taǵy 6 skver men Dúısenov kóshesindegi jaıaý júrginshiler joly modernızasıalanady ári kógaldandyrylady. «Halyq qatysatyn búdjeti» baǵdarlamasy boıynsha 800 mln teńgege 39 joba iske asyryldy. 2023 jyly turǵyndardyń ótinimderi boıynsha eń kóp daýys jınaǵan 17 joba oryndalatyn bolady.

Almaty ákimi aǵymdaǵy jyly qalanyń barlyq aýdandary úshin «Halyq qatysatyn búdjet» baǵdarlamasyn iske asyrý jáne onyń tıimdiligin arttyrý úshin qosymsha 7 mlrd. teńge bólinetinin atap ótti. Almaty ákimimen kezdesý barysynda turǵyndar joldardy jóndeý, káriz jáne elektr jelilerin abattandyrý jáne t. b. máselelerdi kóterdi.