2023 jyly 27 sáýirde Astanada Memleket basshysynyń tóraǵalyǵymen «Ádiletti Qazaqstan: birlik, turaqtylyq, damý» kún tártibimen Qazaqstan halqy Assambleıasynyń XXXII sesıasynyń plenarlyq otyrysy ótti.

Qazaqstan Respýblıkasynyń prezıdenti – Qazaqstan halqy Assambleıasynyń Tóraǵasy Q.Toqaevqa QHA jumysy boıynsha esep berildi.

Memleket basshysy halyq birligin nyǵaıtý, etnosaralyq qatynastardy úılestirý jónindegi memlekettik saıasattyń negizgi aspektilerine toqtaldy.

Prezıdent saıası qurylymnyń jańa modeli aıasynda etnosaralyq qatynastar jańa baǵytta qalyptasyp jatqanyn atap ótti. Táýelsizdik jyldarynda bizde jańa jalpyulttyq biregeılik qalyptasty, onyń basty rámizderi — bizdiń tólqujatymyz jáne kók baıraǵymyz, — dedi Q.Toqaev.

Sonymen qatar, Qazaqstan halqy Assambleıasynyń tóraǵasy QHA men memlekettik organdardyń qurylymdary úshin negizgi júıeli ustanymdarǵa toqtaldy. Birligimiz ben kelisimimizdi buzýǵa baǵyttalǵan kez-kelgen arandatýshylyqty úzildi-kesildi toqtatý qajettigi týraly aıtty. Sondaı-aq, ýákiletti organdarǵa zań sheńberinde etnosaralyq, tildik jáne áleýmettik negizdegi barlyq arandatýshylyqtardyń jolyn kesýdi tapsyrdy. Óıtkeni, dostyq pen kelisim, syndarly dıalog pen jasampaz ózara is-qımyl atmosferasy jasandy kategorıalar emes, bizdiń tarıhymyz, búginimiz ben bolashaǵymyz!

Prezıdent óz sózinde Assambleıa men onyń músheleriniń beıbitshilik pen kelisim ıdeıasyn, halqymyzdyń birligin, elde kemsitýshiliktiń joqtyǵyn jáne bizdiń birligimizdi syrtqy aqparattyq arandatýlardan qorǵaýdy belsendi ilgeriletý jónindegi is-qımyldardy atap ótti.

Prezıdent etnoáleýmettik shıelenistiń sebepterin joıý jáne etnosaralyq komýnıkasıanyń zamanaýı dıalog alańdaryn uıymdastyrý úshin pármendi sharalar qabyldaý qajettigine nazar aýdardy.

Memleket basshysy "Biz áralýanbyz, biraq biz teńbiz", "birlik áralýandyqta" qaǵıdattary búkil bilim berý júıesi arqyly tarqatylý kerek, al etnomádenı áralýandyq barlyq otandyq kórkem shyǵarmalarda normaǵa aınalýy kerek ekenin erekshe atap ótti.

Saıasatymyzdyń strategıalyq baǵyty retinde kópmádenıetti ortany qalyptastyrý jáne barlyq azamattardyń memlekettik tildi meńgerý máselelerine erekshe nazar aýdaryldy, óıtkeni qazaq tili azamattyq biregeıliktiń pármendi quraly bolyp tabylady.

Prezıdent bul máselege tıanaqty taldaý jasap, saraptamalyq-baıandama daıyndaýdy tapsyrdy.

Sóz sońynda Prezıdent QHA azamattyq qoǵamnyń etnosaralyq qatynastary salasynda jergilikti ózin-ózi basqarý ınstıtýtyn damytyp jatqanyn jáne Assambleıanyń barlyq negizgi jumysy jergilikti jerlerde júrgizilýi tıis ekenin, oblys ákimderine tıisti nusqaýlar berilgenin atap ótti.

Assambleıa múshelerine sóılegen sózinde Prezıdent olardyń qoǵamdyq birlestiktiń bir bóligi ǵana emes, beıbitshilik pen kelisim ıdeıasyn nasıhattaýshysy ekenin atap ótti.

Qazaqstan – birtutas ult, elimizdiń árbir etnosy dostyqty, úılesim pen kelisimdi nyǵaıtýǵa óziniń ólsheýsiz úlesin qosyp otyrǵan komanda dep aıtýǵa bolady.

Plenarlyq otyrysqa Parlament depýtattary, ortalyq jáne jergilikti atqarýshy organdardyń, dıplomattyq korpýsynyń ókilderi, QHA músheleri, respýblıkalyq jáne oblystyq etnomádenı birlestikterdiń tóraǵalary, saıası partıalardyń, dinı birlestikterdiń kósbasshylary, úkimettik emes uıymdardyń, ǵylymı, shyǵarmashylyq zıaly qaýymynyń, qazaqstandyq jáne sheteldik buqaralyq aqparat quraldarynyń ókilderi t.b 1200 astam adam qatysty.