Ádebıet salasy boıynsha 2015 jylǵy Nobel syılyǵynyń belarýs jýrnalısi Svetlana Aleksıevıchke berilýi ekiudaı oıǵa jeteleıdi. Jazýshylar tarapynan oǵan kóńil tolmaýshylyq týyndaýy kádik. Oǵan túsinistikpen qaraýǵa bolady. Kórkem ádebıettiń shoqtyǵy qashan da bıik ári ol qudiretti daryn-qabilettiliktiń jemisi. Aqyn-jazýshy dep atalatyn mamandyq joq, ol kásip te emes, júrektyń qalaýy. Qudaı jaratqan daryndy eshbir oqý orny boıyńa sińire almaıdy. Al, óz kezeginde jýrnalıs de darynnan kende emes. Bir oıshyldyń aıtqany bar: "Jýrnalıs degenimiz roman jazýǵa ýaqyty joq, biraq,, qabileti zor jazýshy" degen maǵynada. Onymen de sanasý kerek sıaqty. Qalaı desek te, atalmysh syılyqtyń jýrnalıske berilýi álemde ádebıettiń ornyn pýblısısıka basyp ozyp kele jatqandaı kórinis beredi. Shynymen de, oqyrman qaýym kórkemdik shyndyqtan góri shynaıy derekke kóbirek den qoıyp, jýrnalısıka dáýirlep bara jatqan joq pa eken?

Qýandyq Shamahaıuly, Facebook paraqshasynan alyndy