Soltústik Koreıa kóshbasshysy Kım Chen Yn Koreıanyń Eńbek partıasynyń 70 jyldyq mereı toıyna arnalǵan merekelik sherýde KHDR AQSH tarapynan bastaý alatyn kez kelgen soǵysta ózin qorǵaı alatyndyǵy jóninde málimdeme jasady. Bul týraly «Qamshy» portaly bbc.com-ǵa silteme jasaı otyryp habarlaıdy.

Kım Chen Yn: «Rýhymyzdyń myqtylyǵy, áskerimiz ben halqymyzdyń birligi ımperıalıser tarapynan qoıylǵan sanksıalar men ızolásıadan aman ótýge, sonymen qatar jaýlarymyzdyń bizden qorqyp, aıaq tartýyna óz septigin tıgizdi», - degen bolatyn  Phenánnyń Kım Ir Sen atyndaǵy ortalyq alańynda ótken merekelik sherýde.

Sonymen qatar, álemge joldap, aıtqan sózine dálel retinde Soltústik Koreıa prezıdenti eshbir qaýipten qoryqpaıtuǵyn qýatty áskeri baryn kórsetip, maqtanǵysy kelgendeı áser qaldyrdy.

Soltústik-koreılik astana ortalyǵymen myńdaǵan jaýynger qyzyl tý ustap, júrip ótse, joıǵysh pılottyq top aýada 70 degen sandy beıneledi.

Phenándaǵy merekege oraı Qytaı Komýnıstik partıasynyń bıik shendi múshesi Lú Iýnshan myrzadan basqa eshbir sheteldik kóshbasshy kelmedi.

Soltústik-koreılik televızıanyń kórsetken kadrlary Kım Chen Ynnyń aýdarmashy arqyly Lú Iýnshaımen sóılesip birneshe ret jymıa kúlgenine kýá etti.

Phenánda juma kúni túnde bolǵan qatty nóserdiń saldarynan merekelik sherýdiń bastalýy birneshe saǵatqa kesheýildedi.

Meıram senbi kúni keshke myń adam qatysqan fakeldyq sherýmen jáne KHDR-degi áıgili «Moranbon» áıelder ansambliniń konsertimen aıaqtaldy.

KHDR-dyń áskerı tehnıkamen qanshalyqty deńgeıde jabdyqtalǵanyn batystyq sarapshylar muqıat baqylap otyrdy. Áskerı tehnıkalyq sherý týra 21 mınýt ýaqytty aldy.

Soltústik koreılik ıadrolyq baǵdarlama aımaqtas memleketter men jalpy halyqaralyq qoǵamnyń alańdaýshylyǵyn burynnan týdyryp otyr.

Keıbir málimetter boıynsha, Soltústik Koreıa qazirgi ýaqytqa deıin úsh jer asty ıadrolyq synaq ótkizip, bekitilgen sanksıalarǵa qaramastan qazir tórtinshisine daıyndalyp otyrǵan kórinedi.

Phenán úkimeti memlekettiń bas atomdyq reaktory Ionbóndaǵy ıadrolyq komplekste ornalasqanyn qyrkúıekte habarlaǵan bolatyn.

Sonymen qatar, soltústik koreılik úkimet ıadrolyq zarádti birneshe ese kishireıtip, qazir onyń zymyrandyq oqtyqtyń ishine syıyp ketetindigin málimdedi. Bul, óz kezeginde, amerıkandyq sarapshylardyń kúmánin týdyryp otyr.

Nazgúl Nazar