2015 jyl egemendi elimizdiń tarıhynda erekshe oryn alatyn aıtýly jyldardyń biri bolyp otyr.

Bıyl babalar rýhyn, tarıhymyzdy qurmetteýge baǵyttalǵan «Qazaq handyǵynyń 550 jyldyǵy»;

Qazaqstannyń zaıyrly memleket, damyǵan elderdiń qataryna qosylyp kele jatqanyn dáleldeıtin Ata Zańymyz – Konstıtýsıamyzdyń 20 jyldyǵy;

Elimizdiń tatýlyq pen birliktiń, tynyshtyqtyń sımvoly ekenin kórsetetin Assambleıanyń 20 jyldyq mereıtoıy  boldy.

2015 jyly Prezıdent saılaýy ótkizilip, bizder - Qazaqstan halqy Elbasymyzdy qalaı qurmet tutatynymyzdy taǵy da kórsettik.

Osy sharalardyń ótýiniń ózi Qazaqstanda oryn alǵan beıbitshilik pen din aralyq, ult aralyq tatýlyqtyń belgisi.

Bıylǵy jyly elińmizdiń táýelsizdik jolyndaǵy alǵashqy qadamdarynyń biri bolǵan «Jeltoqsan oqıǵasyna» 29 jyl tolady.

Keshegi qaharly qysta, egemendi elimizdiń erteńi úshin, búgingi jarqyn bolashaq úshin alańǵa shyqqan jastardyń – búgingi orta býyn bizdiń zamandastarymyzdyń aldynda turǵan mindet búgingi jastardy Otandy súıýge, el men jerdi qorǵaýǵa tárbıeleý.

Osyǵan baılanysty, «Jeltoqsan oqıǵasynyń» 29 jyldyǵy qarsańynda Almaty qalalyq ákimshiligimen birlese otyryp, birqatar is-sharalar júzege asyrylmaq. Sonymen qatar, qalanyń aýdan ákimderi de ózderiniń jeke josparlaryn bekitti. 

16-17 jeltoqsan qarsańynda jeltoqsandyqtar qalamyzdyń barlyq joǵary oqý oryndarynda stýdentter men orta mektepterde oqýshylarmen kezdesý uıymdastyrylmaq, «Jeltoqsan ánderi» atty án keshi jáne basqa da kóptegen is-sharalar atqarylmaq.

Osynyń barlyǵy 2016 jyly bolatyn «Ult azattyq kóterilistiń» 100 jyldyǵy, «Jeltoqsan oqıǵasynyń» 30 jyldyǵy jáne Táýelsizdiktiń 25 jyldyǵy qarsańyndaǵy daıyndyq bolady.

Sol sebepti, Biz - Jeltoqsan uıymdarynyń ókilderi resmı túrde málimdeımiz:

•  «Jeltoqsan oqıǵasyn» saıasılandyrýǵa;
•  ony belgili toptardyń jeke bas múddesine paıdalanýǵa;
•  sol arqyly elimizdegi beıbitshilik pen tatýlyqty buzýǵa;
•  ultaralyq arazdyqty qozdyrýǵa;
• Táýelsizdik týyn jyǵyp, elimizdiń shańyraǵyn shaıqaltýǵa jol bermeımiz.

Qurmetti azamattar, biz «jeltoqsandyqtar» ulttyq dıaspora ókilderin, úkimettik emes uıymdardy, saıası qurylymdardy jáne barsha jurshylyqty aldaǵy ataýly merkelerdi atap ótýde uıymshyldyq tanytyp at salysýǵa resmı túrde shaqyramyz!