«Jeke tulǵalar úshin tosyn eshteńe bolmaıdy. Salyq júktemesi sol kúıinde qalady degen jospar bar. Mysaly, 2000 jyldary áleýmettik salyq júktemesi 29% deńgeıinde bolsa, qazir - 9%. Aılyqqa salynatyn jeke tabys salyǵy qaıta qaralyp jatyr», - dedi Álibek Qýantyrov.

Sondaı-aq, ol pasıvti tabys salyǵyna progresıvti shkala qalaı qoldanylatynn túsindirdi.

«Biraq biz jeke tabys salyǵyn saralaýymyz múmkin. Iaǵnı, aksıalar men oblıgasıalar, basqa da qundy qaǵazdar sıaqty pasıvti tabystyń salyǵy kólemine qaraı ósip otyrady. Pasıvti tabystyń quny neǵurlym joǵary bolsa, salyǵy da joǵary bolady. Mysaly, pasıvti tabys quny 100-150 mln teńgeden artsa, salyq mólsheri 15% bolady. 200 mln teńgeden joǵary bolsa, 20% degen sıaqty. Iaǵnı, munyń orta sanattaǵy azamattarǵa qatysy joq», - dedi ol brıfıńide.