Qazaqstandyqtar endi aty-jónin, týý týraly kýálik pen nekeni qıý, buzý, bala asyrap alý jáne qaıtys bolǵan adam týraly aktilik  jazbalarǵa úkimettiń elektrondy portalynda onlaın ózgeris engize alady.

Sondaı-aq «UAT» AQ Qoǵammen baılanys basqarmasy málimetinshe, jańa qyzmet jetkilikti negizder men múddeli tulǵalar arasynda daý bolmaǵan kezde ǵana qujattarǵa ózgerister engizýdi kózdeıdi. Máselen, atyn, tegin jáne ákesiniń atyn ózgertý sekildi ótinimder kiredi.

• «Azamattyq hal aktileri jazbalaryna ózgerister, tolyqtyrýlar men túzetýler engizý» jańa qyzmetiniń kómegimen aktilik jazbalarǵa ózgerister engizý jáne qujattardy qaıta shyǵarý úshin negizderdi kórsetip, rastaıtyn qujattardy tirkeý arqyly ótinim berýge bolady», – delingen habarlamada.

Osy oraıda, qandaı jaǵdaılarda qujattarǵa ózgertýler engizýge bolady?, – degen suraqqa «UAT» AQ Qoǵammen baılanys basqarmasy tómendegideı jaýaptardy berdi.

• Tegin, atyn jáne ákesiniń atyn ózgertý kezinde;
• Áke bolýdy anyqtaý týraly sot sheshiminiń kúshi joıylǵan jaǵdaıda;
• Nekede turmaǵan ananyń ótinishi boıynsha balanyń týýy týraly jazbaǵa balanyń ákesi týraly málimetterdi engizýge;

Eger azamattyq hal aktisin tirkeý kezinde qateler (burmalaýlar, málimetterdiń nemese jekelegen sózderdiń túsinishiniń bolmaýy) jol berilse;

• Azamattyq hal aktilerin jazýdaǵy qatelikti sot talqylaýynda anyqtaǵan kezde;
• Nekeniń buzylýyna nemese neke jaramsyz dep tanylýyna baılanysty jubaıynyń (zaıybynyń) tegin ózgertý kezinde;
• Sottyń bala asyrap alýdyń (asyrap alýdyń) kúshin joıý nemese jaramsyz dep taný, sondaı-aq nekeni jaramsyz dep taný týraly sheshimine baılanysty;
• Ultyn aýystyrǵan kezde;

Ata-anasynyń tegi men ákesiniń atynyń ózgerýine baılanysty kámeletke tolmaǵan balanyń tegi men ákesiniń atyn ózgertý kezinde jáne t.b.

Azamattyq hal aktileriniń jazbalaryna ózgerister, tolyqtyrýlar men túzetýler engizýge ótinish berý úshin sizge:

• eGov.kz portalyna kilt arqyly kirińiz;
• qajetti qyzmet túrin tańdańyz;
• ózgerister engizý úshin negizderdi tańdańyz;
• kýálik beretin HQKO fılıalyn tańdańyz;
• otbasy jaǵdaıy men tabys kózin kórsetińiz;
• ózgertýler engizý qajet aktilik jazbanyń nómiri men tirkelgen kúnin kórsetińiz;
• aktilik jazba úshin qandaı ózgerister, túzetýler, tolyqtyrýlar qajet ekenin kórsetińiz;
• ózgerister engizý úshin rastaıtyn qujatty tirkeńiz;
• tólem jasańyz;
• suranymǵa qol qoıyńyz.

Ótinim nátıjesi eGov.kz portalynyń mártebelik betinde jáne jeke kabınetinde habarlama túrinde paıda bolady. Daıyn qujatty ótinimde kórsetilgen HQKO-dan alý qajet.