Memleket basshysy Qasym-Jomart Toqaev aıtqandaı, saıası jańǵyrýsyz eldiń alǵa qaraı jyljýy múmkin emes. Táýelsizdik alǵannan keıin ótken otyz bir jyl elimiz úshin ońaıǵa túsken joq. Osy ýaqyt arasynda ulttyń qamyn oılap eljiregen eldi de, elim degen erdi de kórdik. Aryn aqshaǵa saýdalaǵandar da az bolǵan joq.

Damyǵan 50 eldiń arasynan oryn aldyq. Endigi kezektegi bizdiń mindetimiz – elimizdiń birligin myǵym ustap, Qazaqstannan alpaýyt memleket jasaý.

«El bolam deseń, besigińdi túze» demekshi, eldiń erteńi – bolashaq jas býyn. Al sol býyndy tárbıe men tártipke baýlyp ósirý – biz ben sizdiń mindet. 

Eski júıemen qalaısha Jańa Qazaqstan qurmaqpyz? «Jańa Qazaqstandy qurý úshin bılikti jańartý kerek», deıtinder kóp. 

Osy oraıda Qasym-Jomart Toqaev memlekettik qyzmetkerlerdi qolynan túk kelmeıdi dep kemsitýdi doǵarý kerek ekenin eske salady. «Tipti olardy «halyq jaýy» kóretinder bar. «Sheneýnik» degen sóz jaǵymsyz uǵymǵa aınalyp barady. Bul – durys emes. Memlekettik qyzmette adal, ári bilikti kadrlar óte kóp. Olar Otanymyzdyń ıgiligi jolynda tynbaı eńbek etip júr. Biraq ókinishke qaraı «Bir qaryn maıdy bir qumalaq shiritedi» degen de bar. Ondaı adamdarmen biz birden qoshtasyp jatyrmyz. Bolashaqta da solaı bolady», degen bolatyn prezıdent.

Bılik halyqqa ádiletti bolsyn, halyq bılikke ádiletti bolsyn! Mine Jańa Qazaqstannyń altyn erejesi osyndaı bolýy kerek. Halyq kúndeýdi ǵana emes, kúlimdeýdi de bilse, bıliktiń de barynsha qalqysyz qyzmet etpegi anyq.